آمریکالی قادین آستروناوت پقی اویتسون کوسموس ایستانسییاسینداکی وظیفه‌سینی ۲۸۸ گون سونرا تاماملایاراق یئر کوره‌سینه قاییدیب.

آخار. آذ خبر وئریر کی، ۵۷ یاشلی آستروناوت ایکی همکاری ایله بیرگه «سویوز» کوسمیک گمیسی واسطه‌سیله قازاخیستاندا ائنیش ائدیب.

او میسییاسینی یئرینه یئتیررکن، عمومیلیک‌ده، ۶۶۵ گون کوسموسدا قالیب. بونونلا دا او، «کوسموسدا ان اوزون مدت قالان آمئریکالی» و «کوسموسدا ان اوزون مدت قالان قادین» اولوب.

کوسموسدا ان اوزون مدت قالما رکوردو ایسه روسییالی کوسموناوت گنادی پادالکایا مخصوصدور - ۸۷۹ گون.

اویتسون ایله بیرلیک‌ده آمریکالی آستروناوت جئک فیشر و روسییالی کوسموناوت فیودور یورچیخین ده کوسمیک سیاحتی باشا ووراراق گئری قاییدیبلار. یورچیخینین بئش آیری سیاحت‌ده، عمومیلیک‌ده، ۶۷۳ گون کوسموسدا قالدیغی بیلدیریلیر.

«کوسموسا سیاحت ائد‌ن ان یاشلی قادین» اولان ۵۷ یاشلی اویتسون، عینی زاماندا، «کوسموسا ان چوخ سیاحت ائد‌ن قادین»دیر.