شیمالی عراق کورد موختاریتینین بو گون کئچیریلن رفرندومونا تورکمانلارین تاریخی تورپاغی اولان کرکوک ده داخیل ائدیلیب.

پوبلیکا. آذ خبر وئریر کی، تورکمانلار بونا اعتراض اولاراق رفرندومو بایکوت ائدیب. لاکین سون معلوماتلار شهرده هر آن قارشیدورمانین باشلایا بیلجیینی گؤستریر.

معلوماتا گؤره، ۱۷۰۰ پ کاکا ترورچوسو کرکوکده قرارلاشیب. گومان کی، اونلار چیخا بیله‌جک قارشیدورمادا اساس رولو اوزرلرینه گؤتورجکلر. شهرده تهلوکه‌سیزلیگی ایسه بارزانییه باغلی پشمرگه قوه‌لری تعمین ائدیر.

کرکوک منبع‌لرینین معلوماتینا گؤره، شهرده قارشیدورما پشمرگه قوه‌لری ایله ایرانا باغلی شیعه قروپ هشدی شعبی آراسیندا چیخا بیلر. اگر بو باش وئررسه، سلاحلی توققوشمالار باشلاناجاق.

بو آرادا، ایرانین یاخین شرقده‌کی عملیاتلارینا رهبرلیک ائد‌ن مشهور گنئنئرال قاسیم سلیمانینین ده کرکوکه گلدیی دئییلیر.

قید ائدک کی، شهرده تورکمان جبهه‌سی طرفدارلارینا آتش آچیلاندان سونرا کوچه‌یه چیخماق قاداغان ائدیلیب.

عراق تورکمان جبهه‌سینین باش اوفیسینین اؤنونده اوزو باغلی سلاحلی قروپ محافظه‌نی تشکیل ائدیب.

کرکوکده یاشایان سیاسی یازار اؤزدئمیر هورموزلو آچیقلاماسیندا شهرده‌کی سون وضعیت حاقدا معلومات وئریب.

تورکمانلارین رفرندومو کمپاکت شکیلده بایکوت ائتدیینی دئین هورموزلو قید ائدیب کی، تورکمان بؤلگه‌لرین‌ده‌کی سئچکی مرکزلرینده بیر اینسان بئله یوخدور: «هر شئی بوشدور. بیز نتیجه‌لری تانیمایاجاغیق. تهلوکه‌سیزلیک مسئله‌لرینه گلینجه، حاضردا جدی بیر قارشیدورما یوخدور، ساکیتلیکدیر».

اونون فیکرینجه، کرکوکده ایسته‌نیلن قارشیدورما کوردلرین علیهیندیر.

«بونا گؤره ده جدی قارشیدورمانین اولاجاغینی دوشونموره‌م. اونسوز دا کرکوکده هر شئی – والیلیک، ویلایت مرکزی کوردلرین الینده‌دیر»، - دئیه او وورغولاییب.

اؤ.هورموزلو کرکوکون کوردلر طرفیندن تمامیله ایشغال ائدیلدیینی بیلدیریب: «اون ایل اؤنجه کرکوک ایشغال ائدیلمیش وضعیتده ایدی. ۲۰۱۴-جو ایلدن ایندییه کیمی ایسه کوردلر تمامیله هر شئیی اللرینه آلدی. تورک دونیاسی، خصوصیله سیاسی اقتدارلار بیزی یالنیز بوراخدی».