اینشاعات‌چی ترامپ تیکمیر، سؤکور. ترامپین بو قراری آمریکانین رگیونال ماراقلارینا یاخشی هئچ نه وعد ائتمیر.

آخار. آذ خبر وئریر کی، بو سؤزلری پولیتولوگ ائلخان شاهینوغلو آمریکا پرزیدنتی دونالد ترامپین قودسو ایسرایلین پایتاختی کیمی تانییاجاغی ایله باغلی یاییلان اینفورماسییالارا موناسیبت بیلدیررکن دئییب. او بیلدیریب کی، بو اونون سئچکی قاباغی وعدیدیر:

«ایسرایل اونسوز دا آمریکا ایله متفیقدیر، آنجاق ترامپین بو آددیمیندان سونرا او بیری عرب متفیقلری ناراضی قالاجاقلار، فیلیسطین‌ده ایسرایل حربچیلرینه قارشی هوجوملار دا باشلایا بیلر. آغ ائو صاحبینین قودسو ایسرایلین پایتاختی کیمی تانیماسیندان سونرا بؤلگه‌ده توققوشمالاردا اؤلن اولاجاقسا، بونا گؤره ترامپ دا مسئولیت داشییاجاق».

پولیتولوگ وورغولاییب کی، ترامپین بئله آچیقلامالار وئرمه‌سی ایلک دئییل:

«ترامپ ایکی گون اؤنجه ده سوسیال شبکه‌ده بؤیوک بریتانییانین باش ناظری ترزا میی سانجیب، تحقیر ائتمیشدی. آمریکایا بؤیوک بریتانییادان یاخین دؤولت یوخدور، اوزون اونیللیکلردیر کی، متفیقدیرلر و ایش او یئره چاتیب کی، بؤیوک بریتانییا پارلامنتی دونالد ترامپدان لوندون سفرینی تاخیره سالماسینی طلب ائدیب».

پولیتولوگ قید ائدیب کی، روسییالی اکسپرتلرین ترامپین پوتینین ایشینی آسانلاشدیردیغی ایله باغلی فیکیرلرینه حاق وئرمه‌مک مومکون دئییل.

قید ائدک کی، اؤتن گون ترامپین قودسو ایسرایلین پایتاختی کیمی تانییاجاغی، داها سونرا ایسه آمریکا سفیرلیینی بورایا کؤچورمه‌یه حاضیرلاشدیغی ایله باغلی نؤوبتی دفعه خبرلر یاییلمیشدی.