بو گون دونیا قوروقلار و میللی پارکلار گونو کیمی قید اولونور.

آخار. آذ خبر وئریر کی، حاضردا آذربایجاندا ۹ میللی پارک، ۱۱ دؤولت طبیعت قوروغو و ۲۴ دؤولت طبیعت یاساقلیغی مؤوجوددور. میللی پارکلار – خصوصی اکولوژی، تاریخی، استتیک و دیگر اهمیت داشییان طبیعت کومپلکسلرینین یئرلشدیی و طبیعتی محافظه، علمی تدقیقات ایستاتوسونا مالیک اولان اراضیلردیر.

میللی پارکلار و قوروقلار سایی آزالماق‌دا اولان بیتکی و حیوان نؤولرینی قوروماق اوچون نظرده توتولوب.

قید ائدک کی، اکولوگییا و طبیعی ثروتلر ناظرلیگی یارادیلدیقدان اول آذربایجاندا میللی پارکلار مؤوجود دئییلدی.

۲۰۰۳-جو ایلده‌ن باشلایاراق ائکولوگییا و طبیعی ثروتلر ناظرلیگی طرفین‌دن آکادمیک حسن علیئو آدینا اوردوباد، شیروان، آغ گؤل، ۲۰۰۴-جو ایلده هیرکان، آلتیاغاج، ۲۰۰۵-جی ایلده آبشرون، ۲۰۰۶-جی ایلده شاهداغ، ۲۰۰۸-جی ایلده ایسه گؤیگؤل میللی پارکلاری یارادیلیب.

۲۰۰۸-جی ایلده هیرکان میللی پارکینین اراضی‌سی، ۲۰۱۰-جو ایلده ایسه شاهداغ میللی پارکینین اراضی‌سی گئنیشلندیریلیب.

۲۰۱۲-جی ایلده ایسه یالاما مئشه محافظه‌سی و برپاسی موسسه‌سینین مئشه فوندو تورپاقلارین حسابینا سامور-یالاما میللی پارکی یارادیلیب.

حاضردا میللی پارکلار اؤلکه اراضی‌سینین ۳،۷ %-نی تشکیل ائدیر.

بونونلا یاناشی، یئنی میللی پارکلارین، دؤولت طبیعت قوروقلارینین یارادیلماسی ایستیقامتینده مووافیق ایشلر داوام ائتدیریله‌رک، قیزیلاغاج دؤولت طبیعت قوروغونون اراضی‌سینین گئنیشلندیریله‌رک دنیزکناری میللی پارکینین یارادیلماسی نظرده توتولوب.