آمئریکایلا چین آراسیندا تیجارت ساحه‌سینده ساواش یاشانا بیلر.

آخار. آذ خبر وئریر کی، بو ادعا ایله آمئریکانین «وول ایستریت ژورنال» قزئتی چیخیش ائدیب. قزئت آمئریکانین چینین ایخراجاتلارینا قارشی اؤزل محدودیتلر حاضیرلادیغینی بیلدیریب:

«بو، «تعییتانلارین ساواشی» اولا بیلر. اگر ساواش گئرچکلشسه، او زامان بو، ۱۹۸۰-جی ایللرده یاپونییا تئلئویزییا و ماشینلارینا قارشی باشلایان ساواشا بنزه‌یه بیلر. آنجاق بو دفعه طرفلرین گوجلری بالانسلی‌دیر. آمئریکا ایندییه قدر هئچ واخت چین کیمی اقتصادی بؤیوکلویو، ایندوستریال باجاریقلاری و گلوبال ماراقلاری اولان اؤلکه ایله قارشی-قارشییا گلمه‌ییب. اگر یاپونییا آمئریکانین موتتفیقیدیسه، چین ایندی داها چوخ رقیب ایستاتوسونا صاحب اولور. بو ایسه قیصاصا-قیصاص ساواشینین یارانماسینا گتیریب چیخارا بیلر».

«وول ایستریت ژورنال»این ادعاسینا گؤره، دونیا بو ساواشا حاضر دئییل:

«شیمالی کورئیا بحرانی ایله برابر، چینله آمئریکا آراسینداکی تیجارت ساواشی ۲۰۱۸-جی ایلده دونیا اقتصادیاتینی محو ائده بیلر. بو تیجارت ساواشی تکجه محاربه آپاران طرفلری یوخ، دیگر اؤلکه‌لره ده تأثیر ائد‌جک. آمئریکانین موتتفیقلری ایلک ضررچکن لر اولاجاقلار. اگر ساواش بؤیوسه، دونیا بیرژالارینداکی وضعیت فلاکت سوییه‌سینه چاتاجاق. بو، اصلینده ترامپین اساس هدفلریندن بیری اولا بیلر. چونکی ترامپ چینین ۲۰۰۱-جی ایلده عموم دونیا تیجارت تشکیلاتینا اوزولویونون آمئریکانین ان بؤیوک سهوی اولدوغونو دوشونور».