لیوییانین کئچمیش لیدری معمر قذافی آوروپادا بیر سیرا پرزیدنت سئچکی‌سی کامپانییالارینین مالیلشدیریلمه‌سینده ایشتیراک ائدیب.

آخار. آذ خبر وئریر کی، بو ادعا «الشرق الوسط» قزئتی چیخیش ائدیب. قزئت قذافینین خصوصیله ۲۰۱۰-جو ایلده اوکرایناداکی سئچکییه موداخیله ائتدیینی و یولییا تیموشنکویا دستک وئردیینی بیلدیریب. مرهوم لیدر تیموشنکونون سئچکی کامپانییاسی اوچون ۴ میلیون آورو آییریب.

قزئته دانیشان و آدینین چکیلمه‌سینی ایسته‌مه‌یه‌ن قذافینین اوغلو سقف الایسلامین کؤمچیلریندن بیری پولون اونلارا لیوییا باش ناظری طرفین‌دن وئریلدیینی سؤیله‌ییب:

«پوللار حکیم بغدادی المحمودی طرفیندن سیفاریش ائدیلمیشدی. او، همین دؤورده لیوییانین باش ناظری ایدی. پوللار چانتایا ۵۰۰ آورولوق اسگیناسلار فورماسیندا توپلانمیشدی. اؤزل طیاره‌ده اوکراینایا یولا دوشدوک و بیزی کیئو هاوا لیمانیندا قارشیلادیلار. گئجه‌نی اورادا کئچیریب، گئری دؤندوک. پوللاری او زامانکی باش ناظرین معاوینی آلدی».

قزت قذافینین ۲۰۰۴-جو ایلده آمریکاداکی سئچکییه موداخیله ائتدیینی بیلدیریب. بئله کی، قذافی بونون اوچون ۵ میلیون دوللار خرجله‌ییب. اکس-لیدر همچینین فرانسادا نیکولا سارکوزینین دستکله‌نمه‌سینه ۵۰ میلیون آورو صرف ائدیب.

قید ائدک کی، قذافی لیوییادا ۲۰۱۱-جی ایلین اوکتیابریندا اؤلکه‌ده باش توتان چئوریلیش نتیجه‌سینده قتله یئتیریلیب.