گورجوستانین کئچمیش دؤولت تهلوکه‌سیزلیک ناظری ایگور گیورقادزه منی اؤلدورمکله هدلییر.

آخار. آذ خبر وئریر کی، بو سؤزلری اؤز فیسبوک صحیفه‌سینده گورجوستانین کئچمیش پرزیدنتی میخایل سااکاشویلی پایلاشیب. سااکاشویلی همچینین گیورقادزنینین روسییالی ژورنالیست لونید یاکوبوویچه وئردیی موصاحیبه‌نین گؤرونتولرینی ده یاییملاییب:

«فدرال تهلوکه‌سیزلیک خیدمتینین پولکوونیکی ایقور گیورقادزئ ۹۰-جی ایللرده ادوارد شئواردنادزیه قارشی موسکوانین تاپشیریغی ایله تئراکت حیاتا کئچیریب. او زامان شواردنادزئ معجزه سایه‌سین‌ده تراکت‌دان جانینی قورتارا بیلدی، اما چوخ آدام خسارت آلدی. ایندی موسکواداکی بیر نئچه کانالدان او منی تهدید ائدیر. گؤرونور، منی اوکراینادان قووماق مقصدینه موقتی نایل اولان پوتین ایندی ده آوروپادا آکتیو اولماغی‌می ایستمیر. او، داها چوخ اؤز تهلوکسیزلییمه دقت یئتیرمییمی ایستییر».

قید ائدک کی، بون‌دان اؤنجه گیورقادزه «زوئزدا» تلویزییاسینا موصاحیبه‌سین‌ده سااکاشویلینین اؤز اجلی اؤلمیجیینی بیلدیریب. او، سااکاشویلینین یالنیز اؤز سرت چیخیشلارینی دایاندیردیقدان سونرا اج‌لی ایله اؤلجیینی، اما سااکاشویلینین بونا گئتمیجیینی بیلدیریب.