روسییا پرزیدئنتی ولادیمیر پوتینین کریما حصر اولونموش چیخیشلارین‌دان عبارت ویدئو-چارخ سوسیال شبکه‌لرده روس و اوکراینالی ایستیفاده‌چیلر آراسیندا قارشی‌دورمایا سبب اولوب.

آخار. آذ خبر وئریر کی، بو باره‌ده ویدئونو «کریم رئاللیقلاری» سایتینین ژورنالیستلری حاضرلاییب.

ویدئودا روسییا پرزیدنتی ولادیمیر پوتینین کریملا باغلی چیخیشلاری زامانی یاریم آدانین اوکراینایا مخصوص اولماسی، اراضینین موباحثه‌لی بؤلگه اولمادیغینی اعتراف ائتمه‌سی و هر هانسی بیر حربی مناقشه حاضیرلاشمادیغی باره‌ده آچیقلامالارینا یئر وئریلیب. نشرین ژورنالیستلری پوتینین ۱۰ ایل عرضینده فعالیتی ایله ضدیت تشکیل ائد‌ن آچیقلامالارینی ایجتیمایته تقدیم ائدیبلر.

۲۰۰۸-جی ایلده پوتین قرب ژورنالیستلرینه ثبوت ائدیب کی، کریم شوبهه‌سیز اولاراق اوکراینا تورپاغیدیر.

«کریم موباحثه‌لی اراضی دئییل، اورادا هئچ بیر اتنیک قارشیدورما یوخدور. روسییا اوکراینانین بوگونکی اراضی‌سینی چوخدان تانیییب»، - پوتین بیلدیریب.

۲۰۱۳-جو ایلین قیشیندا ایسه پوتین روس حربی کونتینگنتینین اوکراینایا مخصوص یاریم آدایایا یئریدیلمه‌سی ایمکانلارینی تکزیب ائدیب:

«حقوق برابرلیگی اوغرون‌دا موباریزه آپارماغا داوام ائدجییک. بو بوتون دؤولتلره عاییددیر. بو او دئمک دئییل کی، بیز اوردولاریمیزی یئریتمه‌یه حاضیرلاشیریق. بو، تامامیله جفنگیات‌دیر. بئله بیر شئی یوخ‌دور و اولا دا بیلمز».

قئید ائدک کی، ۲۰۱۴-جو ایلده پوتین یاریمادایا حربی قوه‌لرین یئریدیلمه‌سی باره‌ده قرار قبول ائدیب.