چاناققالادا باش وئره‌ن زلزله‌نی ۲۸۱ ایلدیر بؤلگه‌ده ییغیلان انرژینی بوشالداجاق بیر تکان اولاراق قبول ائتمیرم.

آخار. آذ خبر وئریر کی، بو سؤزلری تورکییه‌لی پروفسور دوغان پرینچک اؤتن گون چاناققالانین چان محلیندا باش وئره‌ن ۴.۳ باللیق زلزله باره‌ده دانیشارکن دئییب.

«اؤتن ایل چان یاخینلیغیندا ۲ دفعه ۴.۳ بال‌لیق زلزله اولدو. بو زلزله‌لری ۷ بال گوجونده اولماسی گؤزله‌نیلن اساس تکانین خبرچیلری، آیاق سسلری اولاراق گؤروره‌م. ۷ بال بؤیوکلویونده بیر زلزله‌نین نه زامان اولاجاغینی سوروشسانیز، بونون جوابی بلکه ۱ هفته، ۱ آی، یا دا ۱ ایل اولا بیلر. دقیق اولان بیرجه شئی وار، او دا گؤزلدییمیز بؤیوک زلزله‌نین بیزلره چوخ اوزاق اولمامادیغیدیر»، - پروفسور بیلدیریب.

خاطیرلاداق کی، سون گونلر تورکییه‌نین بیر چوخ بؤلگه‌سینده سیلسیله تکانلار قئیده آلینیر.