تورکییه‌لی کؤشه یازاری دنیز زیرک جمهوریت خالق پارتییاسینین لیدری کمال کیلیچداروغلونون میللت وکیلی محرم اینجه‌نین پرزیدنتلییه نامیزدلیینی ایر‌لی سورمسینین سببلرینی آچیلاییب.

آخار. آذ خبر وئریر کی، مؤلف بو باره‌ده «حریت» قزئتینده یاییملانان «کیلیچداروغلو نیه اینجه‌نی سئچدی؟» باشلیقلی یازیسین‌دا قید ائدیب. او بیلدیریب کی، ک.کیلیچداروغلونون اینجه‌نی نامیزد گؤسترمه‌سینین ۳ اساس سببی وار:

«بیرینجیسی، پارتییادان، تورکییه بؤیوک میللت مجلیسی (تبمم) قروپوندان و ایداره‌چیلیک اورگانلاریندان «نامیزدیمیز اصل ج ح پ-چی اولسون» چاغیریشی سسله‌نیردی. پارتییانین کئچیردیی سورغولاردا دا اینجه‌نین آدی اؤن پلاندا ایدی.

ایکینجی‌سی، اگر نؤوبتی تور نظره آلیناراق ج ح پ-نین ایستانبول میللت وکیلی ایلهان کسیجی و یا عبدوللطیف شنر نامیزد گؤستریلسدی، پارتییاداکی تضییقدن دولایی صلاح الدین دمیرداش و مارال آکشنرین یئرینده دییشیکلیک اولا بیلردی و ج ح پ نامیزدی پرزیدنت سئچکیلرینده ایلک ایکیلییه داخیل اولا بیلمزدی. بو دا پارتییایا بؤیوک بیر ضربه دئمکدیر.

اوچونجوسو، اینجه محافیزکار، میللیتچی و کورد سئچیجیلرین سسینی توپلاماق مسئله‌سینده ادعالیدیر».

مؤلف اینجه‌نین میللیتچی اولدوغونا گؤره دیگر پارتییالارین سئچیجیلرینین ده دستیینی قازاناجاغینی دئییب:

«پرزیدنت رجب طایییب اردوغان، محرم اینجه و صلاح الدین دمیرداش تبمم-دکی قروپلاری سایه‌سینده بیرباشا نامیزد اولاجاق. مارال آکشنر، تمل قاراموللاوغلو و دوغو پئرینچیین نامیزدلیگی ایسه یالنیز ۱۰۰ مین ایمضا توپلاندیقدان سونرا رسمیلشه‌جک.

اردوغانین سئچکیلردن بیرینجیلیکله چیخماسی قطعی گؤرونور. اگر سئچکی ایکینجی تورا قالارسا و اینجه ده ج ح پ-نین ۲۰۱۵-جی ایلین اوکتیابرداکی کیمی سس توپلایا بیلسه، ایکینجی تور اردوغانلا اینجه آراسیندا باش توتاجاق. ج ح پ-چیلرین فیکرینجه، میللیتچی کیمی تانینان اینجه ایگی پارتییاسینین میللیتچی سسلرینی توپلاماقدا چتینلیک چکمز.

او، توخونولمازلیغین لغو ائدیلمه‌سینه «یوخ» دئدیینه گؤره ح د پ سئچیجیسینین دستیینی قازانا بیلر. جومعه و بایرام نامازلارینا گئدن، چیخیشلاریندا حجابلی باجیسیندان دانیشان اینجه کئچمیشده ج ح پ-نین سسینی توپلادیغی آنادولونون محافیزکار اهالیسیندن سس توپلایا بیلجیینه اینانیر».

قید ائدک کی، ج ح پ میللت وکیلی محرم اینجه‌نی رسما پرزیدنت‌لییه نامیزد گؤستریب.