سپاه سیدنی و ملبورن‌داکی یهودی هدفلرینه قارشی یانغین هجوملارینی اداره ائتمک اوچون بیر واختلار آوسترالیادا یاشامیش ایکی آگنت‌دن استفاده ائدیبلر.

Axar.az «آسوشتد پرس»-ه استنادن خبر وئریر کی، بونو آوسترالیا تهلوکه‌سیزلیک کشفیات تشکیلاتینین (آسیو) باش دیرکتورو مایک بورقس دئییب.

"ایران آوسترالیانی گیزلی و اداره اولونان زوراکی‌لیق آکتلاری اوچون لگیتیم هدف کیمی گؤرمه‌یه داوام ائدیر"،- او علاوه ائدیب.

بورقس بیلدیریب کی، آوسترالیا وطنداشی تشکیلاتین دنیا اوزره شبکه‌لرینی اداره ائد‌ن سپاهین یوکسک وظیفه‌لی آگنتی اولوب.

اونون سؤزلرینه گؤره، ایران کئچمیش آوسترالیا ساکینینی عراق‌دا یئرلشن میلیس گروپلاری واسطه‌سیله ایشه گؤتوروب. او علاوه ائدیب کی،سپاه بو شخصین جنایتکار علاقه‌لرینی تشکیل ائدیب و اونون داوام ائد‌ن جنایتکار فعالیتلرینی دستکله‌ییب.

قید ائدک کی،آوسترالیا اؤتن ایل ۲۰۲۴-جو ایلده ایکی آی فرقله سیدنی‌ده‌کی یهودی رستورانینا و ملبورن‌داکی ائداس اسرائیل سیناقوقونا ضرر وئرن یانغینلاردا ایرانی گناهلاندیریب.

اتهاملار بؤیوک دیپلماتیک قارشی‌دورمایا و اسلام رسپوبلیکاسینین آوسترالیاداکی سفیرینین اؤلکه‌دن چیخاریلماسینا سبب اولوب. تهران ادعالاری رد ائدیر.