ایران پرزیدنتی مسعود پزشکیانین پاکستان‌دا باش ناظر شهباز شریفله بیرگه سیموولیک آغاج اکمه مراسمین‌ده داورانیشی سوسیال شبکه‌لرده مذاکره/تنقید یارادیب و مئدیانین دا بو سبب‌دن دقت مرکزینه دوشوب.

عادته‌ن، بو جور مراسیملرده لیدرلر آغاج اکمه‌نی ده سیمووللاشدیریرلار: بیر-ایکی بل تورپاق، آزجا سو، والسلام – ایشی باغبانلار تماملاییر.

آنجاق پزشکیان ۱-۲ بئله تورپاق آتماقلا کفایت‌لنمیر، حقیقی معنادا آغاج اکمکله مشغول اولور. پاکستان باش ناظری شهباز شریف حتی بیر نئچه دفعه اونو ساخلاماغا چالیشیر، آنجاق نتیجه الده ائتمیر...

پزشکیانین حرکتی گؤرمه‌یه آلیشدیغیمیز، وردیش ائتدییمیز دیپلماتیادان، پروتکل قایدالاریندان بیر قدر کنارا چیخیر. پزشکیان، گؤره‌سن، آغاج اکمه مراسمی گؤرمه‌ییب، یوخسا بو مراسم‌دن اول پروتکل خدمتی اونا نه ائتمه‌لی اولدوغونو خاطرلاتماییب؟ بوتون بونلار بیر یانا، شهباز شریفین بیر نئچه دفعه الینی اونون کوریینه قویماسینی‌دامی حس ائدیب، دایانماق لازیم اولدوغونو تخمین ائتمیر؟

بونا گؤره پزشکیانین «غیری-دیپلماتیک» تأثیری باغیشلایان حرکتینی «غیری-نورمال» آدلاندیرماق اولارمی؟

مسعود پزشکیان چوخ یوکسک تحصیل آلیب، اورک جراحی‌دیر، پروفسوردور. حتی پرزیدنت سئچیلدیکدن سونرا بئله آچیق اورک عملیاتی آپاران بیر شخصدیر. اونون پروتکل قایداسین‌دان خبرسیز اولدوغونو دوشونمک ساده‌لؤحلوک اولار. بلکه، بو دا پزشکیانین «سیموولیک پروتکل قایدالارینا» اعتراضی‌دیر؟ بلکه هر ایشه جراح گؤزو ایله باخیر و جراحی عملیات‌دا اولدوغو کیمی، ایشی یاریدا بوراخماغین «حیاتی» یاریدا کسه بیلجیی دوشونجه‌سینده‌دیر؟

بو، همین پزشکیاندیر کی، لیدرلرله بیرگه صحبت ائدرکن الهام علیئو اوتاغا داخل اولان‌دا آیاغا قالخمیشدی. اوندا دا پروتکل قایداسینی پوزموشدو، حتی اؤز اؤلکه‌سینده بونا گؤره تنقید ده ائدیلمیشدی.

او، الهام علیئودن یاشجا بؤیوکدور، تمثیل ائتدیی اؤلکه ده آذربایجاندان بؤیوک‌دور، آنجاق پزشکیان ثبوت ائتدی کی، او مجلس‌ده قانی-قانیبیر قارداشینا وئردیی دیر اؤلچویه‌گلمز درجه‌ده بؤیوکدور!

پزشکیانین آغاجی اکمه‌یه سونادک داوام ائتمه‌سینی زحمتکش‌لیک نمونه‌سی، آغاجا، طبیعته، حیاتا سئوگیسی کیمی قیمتلندیرمک عوضینه، «پروتکل پوزونتوسو» کیمی مذاکره‌یه چیخارانلار ترامپین ۱ ساعت عرضینده ۱۰ دفعه اؤزونو تکزیب ائد‌ن ضدیت‌لی سیاسی آچیقلامالارینا ندنسه بیگانه‌دیرلر!
پزشکیانی آشاغیلاماق اوچون بو گؤرونتونو فورصت بیله‌نلر بیر چوخ لیدرین هر آددیم‌دا قارشی طرفین ماراقلارینا توخونان، اونو آلچالدان «دیپلماتیک پروتوکول قایداسی پوزونتولاری»نا سوسورلار!

پزشکیان حیات قورتاران، بیر انسانین و جانلینین یاشاماسینا چالیشان شخص‌دیر – ایرپندن غزه‌یه قدر قتلعاملار تؤره‌دن دئییل!

پزشکیان حیاتدان کؤچن آروادینا صداقتی ایله تانینان و اخلاقی نمونه اولان بیر تورک ضیالی‌سی‌دیر – بیر نئچه دفعه عائله قوران‌دان سونرا آدی اپشتین قالماقالیندا حال‌لانان و یاخود آروادیندان شیلله یئیه‌ن بیر لیدر دئییل!

پزشکیان ان تهلوکه‌لی مقام‌دا، شهره بمبالار یاغاندا بئله خصوصی قوروما اولمادان خالقا قوشولوب، کوچه‌ده یوروش ائد‌ن شخص‌دیر – ضیافتین یاخینلیغیندا گوله سسی گلدیی اوچون ماسانین آلتینا گیره‌ن، سونرا دا آروادینی اونودوب، جان گودنلرین احاطه‌سینده قاچان بیری دئییل!

پزشکیان درست‌دور، صمیمی‌دیر، روشوتدن کناردیر، کوروپسیادان اوزاق‌دیر، خالقین ایچیندن چیخان و کیملیینی اونوتمایان ضیالی‌دیر و نهایت، آذربایجان‌لی‌دیر!

پزشکیانلا فخر ائتمک فرصتی وارکه‌ن اونا دیل اوزادانلارین یانیندا اولماق اولماز!

	ایران چوخ بؤیوک گذشتلر ائدیر - ترامپ
	ایتالیا ایرانا عملیاتا دستک وئریب؟ - رسمی آچیقلاما
	آمریکا و ایران آراسیندا نوبتی دانیشیقلار بو تاریخده اولاجاق
	ایلهام علیئو قالیبافی قبول ائتدی
	ایران ایستدیینی آلیر، بس آمریکا نه قازانیر؟ - اکسپرت
	آمریکادان ایران ملی‌سینه خوش خبر
	پزشکیاندان شریفه: بیز بونا حاضیریق!
	نومان کورتولموش آذربایجانا گلدی
	تهرانین گئجیکمیش اعترافی: ایروانین اصل نیتی ایندی گؤرونور
	ایرانین سوسیال شبکه‌لرینه اینانمایین - ونس