پاشینیانی قارشیدا چوخ جدی سیناقلار گؤزلییر.

بو سؤزلری آخار. آذ-آ آچیقلاماسیندا سابیق دؤولت موشاویری قابیل حسینلی دئییب. پولیتولوگ بیلدیریب کی، قاراباغ سپارات‌چیلارینین لیدری باکو سااکیان هئچ واخت پاشینیانین آدامی اولمایاجاق:

«پاشینیانین داغلیق قاراباغا سفری اؤزونوتبلیغ کاراکتری داشیییردی. چونکی او، نوماییشلر زامانی همیشه قاراباغ کلانینین علیهینه موختلیف تئزیسلر سسلندیرمیش، باکو سااکیان باشدا اولماقلا، قاراباغداکی ایداره‌چیلیک سیستمینی اؤزوندن کوسکون سالمیشدی. او، ایلک سفرینی داغلیق قاراباغا ائتمکله هم قاراباغ ایدئیاسینا صادیقلیینی نوماییش ائتدیریب، هم ده اورادا آذربایجان علیهینه دانیشماقلا بو ایدئیایا همیشه طرفدار اولاجاغینی، اونون تعبرینجه دئسک، «قاراباغ خالقی»نین آپاردیغی میللی آزادلیق موباریزه‌سینه دستک وئرجیینی بیلدیریب. آنجاق بو بیر سیاستدیر و هر شئی هئچ ده بیردن آچیق‌لانمیر. سااکیان کؤچریان و سرکیسیانین آدامیدیر. اگر پاشینیانین حاکمیتینین عؤمرو ایمکان وئررسه، هاچانسا سااکیانین دا حاکمیتدن اوزاقلاشدیریلماسی لازیم گله بیلر. یاخود دا هر شئی عکسینه ده اولا بیلر. ایش اوراسیندادیر کی، سااکیان پاشینیانا سرژ سرکیسیان قدر صادق اولمایاجاق. بلی، بو فوندا او تخریباتلار تؤره‌ده، تماس خطین‌ده موختلیف قارشیدورمالار یارادا بیلر. آنجاق مسئله بوراسیندادیر کی، قاراباغدا اولان گوجلرله آذربایجانلا باغلی تخریباتلارا گئتمک ائله ده آسان مسئله دئییل. چونکی بو، بومرانگ افکتی یارادا و سپاراتچیلارین تمامیله سونونو گتیرر. اونا گؤره ده سااکیان ارمنیستان طرفینین هانسی قرارلار قبول ائدجیینی و کرئملین امرلرینی گؤزله‌یه‌جک».

پولیتولوق وورغولاییب کی، آوانتوریست طبیعتلی پاشینیان اونسوز دا داغلیق قاراباغدا و ارمنیستان‌دا موختلیف آوانتورالارا گئده‌جک:

«پاشینیان حاضردا داغلیق قاراباغین ارمنیستانا بیرلشدیریلمه‌سی ایدئیاسی اوزرینده «ایشلییر». بونو دا او، داغلیق قاراباغدا بیان ائتدی. پاشینیانین داغلیق قاراباغدا و ارمنیستاندا آوانتوریزملری ایسه بیر گون اونون اؤزو اوچون جدی پروبلملر یارادا و حاکمیتینین عؤمرونو قیسالماسی ایله نتیجه‌لنه بیلر. اونسوز دا پاشینیانی چتین گونلر گؤزلییر. مثلاً، روسییانین ارمنیستانا یاردیمی کسیله‌جک. آمریا و آوروپاداکی ارمنی لوببیسیندن ایسه ایروانا ساده‌جه مادی دستک گله‌جک. همچینین روسییادان ارمنیستانا سلاح گؤندریلمه‌سی ده دایان‌دیریلاجاق. بو فون‌دا اولا بیل‌سین کی، روسییادان آذربایجانا یئنی سلاح نؤولری گؤندریل‌سین و آذربایجانین آتش گوجو داها دا آرتیریلسین. نتیجه اعتباریله دانیشیقلار پروسئسی ایله باغلی او قدر قایغی گؤستریلمه‌یه‌جک و طرفلر آراسیندا محاربه شرایطینین یارانماسی آن مسئله‌سی اولاجاق. ظنیمجه، روسییا بوندان سونرا پاشینیان رژیمینین چؤکمه‌سی اوچون الیندن گلنی ائد‌جک. بو پروسئسده موسکوانین آدامی سااکیان بیرباشا کرئملین گؤستریشلرینی یئرینه یئتیره‌جک. بیر سؤزله، پاشینیانی قارشیدا چوخ جدی سیناقلار گؤزلییر».