آمریکا نماینده‌لر پالاتاسین‌دا میللی مدافعه تقدیماتی آکتی قبول ائدیلیب.

آخار. آذ خبر وئریر کی، قبول ائدیلن آکتین تورکییه‌یه عایید اولان مدعالارینا اساساً، مدافعه ناظریندن آنکارا ایله موناسیبتلرین وضعیتی باره‌ده بیر حسابات حاضرلانماسی و بونا قدر اف-۳۵ طیاره‌لرینین ساتیشینین تاخیره سالینماسی نظرده توتولوب.

آمریکا سناتینین سلاحلی قوه‌لر کومیسییاسی دا سؤزوگئدن آکتین دیگر وئرسییاسینی قبول ائدیب و تورکییه‌نین اف-۳۵ پروگرامیندان چیخاریلماسینی طلب ائدیب. کمیته‌دن سونرا سناتدا دا آکت قبول ائدیلرسه، هر ایکی قانون وئریجی اورگانین نماینده‌لری بیر یئره توپلانیب ایکی فرقلی وئرسییا اوزرینده موذاکیره‌لر آپاراجاق و یئکون قرار قبول ائدیله‌جک.

مسئله ایله باغلی تورکییه طرفینین جوابی گئجیکمه‌ییب. خاریجی ایشلر ناظیرلیینین سؤزچوسو هامی آکسوی آمریکا کنگرسین‌ده‌کی اف-۳۵ قراری ایله باغلی آچیقلاما وئریب. آکسوی بو تیپ آددیملارین آتیلاجاغی حالدا تورکییه‌نین جواب وئرمه‌یه مجبور قالاجاغینی بیلدیریب. خاریجی ایشلر ناظیرلیینین سؤزچوسو همچینین آمریکادان گلن نماینده هئیتی ایله بو گون منبیچ مسئله‌سی اطرافیندا موذاکیره‌لرین آپاریلدیغینی قید ائدیب.

خاطیرلاداق کی، بو قطعنامه لاییحه‌سی قیسا زامان اول تورکییه اوچون ایستحصال ائدیلمیش ایلک ف-۳۵ طیاره‌سینین گؤرونتولرینین یاییلماسی فونوندا قبول ائدیلیب.