آمئریکادا ۱۲-جی نسیل ب۶۱-۱۲ تئرمونووه سلاحینین سیناقلارینی باشا چاتدیریلیب.

آخار. آذ خبر وئریر کی، بو باره‌ده آمئریکانین نووه تهلوکه‌سیزلیگی اوزره میللی ایداره‌سی اینفورماسییا یاییب.

معلوماتا گؤره، آرتیق یاخین واختلاردا آمئریکانین نووه تریاداسینین اساس کومپوننتینه چئوریلمه‌سی نظرده توتولان حربی سورساتین سئرییالی ایستحصالینا باشلانیلاجاق.

ایداره اولونان ب۶۱-۱۲ راکتلرینین سیناقلاری نئوادا پولیقونون‌دا نووه باشلیغی اولمادان کئچیریلیب. یئنی راکتین ایلک نومونه‌لرینین تگزاس ایشتاتین‌داکی «پنتکس» زاوودون‌دا ایستحصال ائدیلمه‌سی و ۲۰۲۰-جی ایلین باهارین‌دا سلاحلانمایا قبولو پلانلاشدیریلیب.

بس آمئریکا ایستحصالی بو بومبانین اساس خصوصیتلری و تهلوکه‌سی ندن عبارت‌دیر؟

اونو حددن آرتیق یئنی آدلاندیرماق دوزگون اولماز. ب۶۱-۱۲ ایلک سئرییالی نومونه ۱۹۶۷-جی ایلده یارادیلان کؤهنه ب۶۱ آتوم بومبالارینین مودرنیزاسییا اولونموش واریانتی‌دیر. بو بومبا سلاحلانمادا ائله اوزون مدت قالیب کی، اونو بعضا «۱۱ پرزیدنتین بومباسی» دا آدلاندیریرلار.

۶۰-جی ایللرده بو بومبانین وارلیغی بؤیوک بیر سیرر کیمی هامی‌دان گیزلدیلیردی، حتی پنتاقونون حربی توپلانتیلارین‌دا بئله بومبانین آدینین چکیلمه‌سی قاداغان ائدیلمیشدی. نتیجه‌ده ظابطلر آراسیندا بو راکتین دیگر بیر آدی – «گوموش گوله» یاراندی.

حاضردا سؤزوگئدن بومبالارین ۱۲۰۰ عد‌دی ناتو-نون موختلیف بازالاریندا ساخلانیلیر. اونلارین اساس حیسه‌سی آوروپادا یئرلشدیریلیب کی، بو دا روسییا باش قرارگاهینین اوزون ایللر عرضینده ناراحاتلیغینا سبب اولوب.

۲۰۱۰-جو ایلده ایسه آمئریکالیلار بو بومبالاری مودرنیزاسییا ائتمک نیتینه دوشدولر و بونون اوچون ۲ میلیارددان آرتیق وسایت آیریلدی.

بومبانین یئنی‌دن ایشله‌نمه‌سی اونون نووه پوتئنسیالینا تأثیر گؤسترمه‌ییب. بئله کی، یئنیلنمیش وئرسییادا دا بومبانین گوجو ۸۰ کیلوتون اولاراق قالیب.

آمئریکا مودرنلشدیریلمیش بومباسینی دا آوروپادا یئرلشدیرمک پلانلارینی گیزلتمیر. حربی سورساتین آوروپاداکی ناتو بازالاریندا – آلمانییا، نیدرلاند، بلچیکا، ایتالییا و تورکییه‌ده یئرلشدیریلمه‌سی نظرده توتولور.