ایران حکومتی آمریکانین اقتصادی سانکسییالاری ایله باغلی خالقینا یالان دانیشیر.

آذنیوز. تی وی خبر وئریر کی، بو سؤزلری آمریکا دؤلت دپارتامنتین‌ده‌کی ایران فعالیت قروپونون رهبری براین هوک دئییب. ایران خالقینا مراجعت ائد‌ن هوک ایسلام رسپوبلیکاسینین سانکسییالارلا باغلی دؤرد فرق‌لی ساحه‌ده یالان دانیشدیغینی ادعا ائدیب:

«درمان و طبی تجهیزات آلماق، ایرانا داشیماق آمریکانین تحریملرینه داخیل دئییل. ایران حکومتی بو مؤوضوعدا خالقینا یالان دانیشیر. آمریکلنین ایران خالقینا حؤرمتی بؤیوک‌دور. درمان و طبی آوادانلیغین اؤلکه‌یه داخیل اولماسینی دایاندیرماق ایستممیشیک. همچینین، ایران حکومتینین ادعاسینین عکسینه اولاراق کند تصروفاتی ماتئریاللاری اقتصادی سانکسییالارا معروض قالماییب. آمریکا ایرانا کامپوتر پروگراملارینی قاداغان ائتمه‌ییب. ایسلام رسپوبلیکاسی ایران خالقینا یالان دانیشیر و اونلارین معلومات الده ائتمک حقوقلارینا محل قویمور. ایران حکومتینین یالان دانیشدیغی دیگر بیر مسئله آمریکانین ایرانا هومانیتار یاردیم گؤندرمه‌سینی دایاندیرماسی‌دیر. ایرانا هومانیتار یاردیملار سانکسییایا معروض قالماییب و آمریکا بو جور یاردیم‌دان آزاد ائدیلیب».

هوک آمریکانین دفعه‌لرله ایرانا هومانیتار یاردیم گؤندرمیی تکلیف ائتدیینی، آنجاق ایرانین بو تکلیفلری ایمتینا ائتدیینی سؤیله‌ییب.

بعضی اقتصادی اکسپرتلرین فیکرینجه، درمان و یا طبی آوادان‌لیقلارین ساتیلماسین‌دا آمربکانین سانکسییالارینا معروض قالماسا دا، مالییه و اقتصادی نقطه نظردن بو ماللاری تداروک ائد‌ن بیر چوخ اؤزل شیرکتلر ایرانا ایخراج اوچون لیسئنزییا آلماق ایستمیرلر.