عراقین اربیل شهرین‌ده تورکییه‌لی دیپلماتی قتله یئتیره‌ن اساس گناهکارلاردان بیری مظلوم داغ پ کا کا ایله نئجه علاقه ساخلادیغی و هجومو هان‌سی شکیل‌ده حیاتا کئچیردیی باره‌ده اطرافلی دانیشیب.

آخار. آذ خبر وئریر کی، عراق کورد رگیونال رهبرلیینین خصوصی خیدمت اورگانلارینین یایدیغی گؤرونتولره اساساً، داغ قندیل‌ده ۲۶ گون حربی تعلیم کئچدیینی اعتراف ائدیب.

اربیله ۲۰۱۵-جی ایلده گلدیینی دئیه‌ن داغ پ کا کا ایله قارداشی ایبراهیم داغ واسطه‌سیله علاقه قوردوغونو بیلدیریب:

"ایبراهیم اؤتن ایلین فئورال آیین‌دا قندیله گئدجیینی سؤیله‌دی. من ده قوشولماق ایستدییمی قارداشیما دئدیم. آپرئل آیین‌دا منه پ کا کا-دان تلفن زنگی گلدی. نمره‌می قارداشیم‌دان آلدیقلارینی سؤیله‌دیلر. رانیا (سلیمانییه) رایونو اوزریندن قندیله گئتدیم. فاتح و بوتان آدین‌دان ایستیفاده ائد‌ن بیر آدام طرفین‌دن قارشیلاندیم. تخمیناً ۲۶ گون قندیل‌ده اونلارلا بیرلیکده قالدیم. سلاح‌دان ایستیفاده ائتمیی اؤیرندیم. "کلاشنیکوو" و تاپانچا ایله آتیشلار ائتدیم. بون‌دان سونرا اربیله گئری دؤنوب بیر کلوب‌دا ایشله‌مه‌یه باشلادیم".

قندیل‌دن گئری قاییتدیق‌دان سونرا پ کا کا واسطه‌سیله سییرتلی مممد و دیژوار لقبلرین‌دن ایستیفاده ائد‌ن تشکیلات عضوو عبدالرحمان ارله تانیش اولدوغونو قید ائد‌ن داغ اونونلا بیر نئچه گون گؤروشدویونو دئییب:

"منه تورکییه باش کونسوللوغون‌دا چالیشان بیرینین شکلینی گؤستردی. سونرادان بو شخصین آدینین عثمان کؤسه اولدوغونو اؤیرندیم. من‌دن بو شخصی تعقیب ائتمیی‌می و اونون باره‌ده معلوماتلار توپلاماغی‌می ایسته‌دیلر. دیژوارا معلوماتلار اؤتوردوم و او دا بو باره‌ده قندیلده‌کی فاتحه گؤندردی. من‌دن اونو اؤلدورمیی‌می ایسته‌دیلر. بو ایشی تکباشینا گؤره بیلمیجیی‌می، یانین‌دا ۲ محافظه‌چی‌سی ایله بیرلیک‌ده ۳ نفر اولدوقلارینی سؤیلدیم. داها سونرا کؤسه نین اولدوغو رستورانا گئتدیک، هوجوم زامانی ساغ آیاغیمدان وورولدوم. حادثه‌دن بیر مدت سونرا هجومو بیرلیک‌ده تشکیل ائتدییم ایکی نفردن آیریلدیم.

اربیل‌ده بیر نئچه مکان دییشدیردیکدن سونرا ۲۰ ایول‌دا عراق کورد رگیونال رهبرلیینین تهلوکه‌سیزلیک قوه‌لری طرفین‌دن ساخلانیلدیم".