ایرانین خاریجی ایشلر ناظری فرانسا رسمیلری ایله گؤروشمک مقصدیله دونه‌ن آخشام نوروژین پایتختی اسلودان فرانسانین پایتختی پاریسه داخیل اولوب.

آخار. آذ خبر وئریر کی، محمد جواد ظریف بو گون پاریس‌ده فرانسانین پرزیدنتی امانوئل ماکرون و خاریجی ایشلر ناظری ژان-ایو لدریان ایله گؤروشمه‌لیدیر.

ظریف نوروژده بو اؤلکه‌نین باش ناظری ائرنا سولبئرق، خاریجی ایشلر ناظری اینئ ماری اریکسئن سورئیده و نوروژ پارلامنتینین خاریجی سیاست و مدایفه کومیسسییاسینین صدری آنیکا هاتفیلد ایله گؤروشموشدو.

ایرانین دیپلماتییا آپاراتینین باش‌چی‌سی نوروژدن اؤنجه فینلاندییا و ایسوئچ‌ده سفرده ایدی.

ایرانین خاریجی ایشلر ناظری محمد جواد ظریف ایکیطرف‌لی علاقه‌لری آراشدیرماق، ائل‌جه ده تهرانین نووه آنلاشماسی و غربی آسییا بؤلگه‌سین‌ده‌کی سیاستلرینی شرح ائتمک مقصدیله دؤرد آوروپا اؤلکه‌سینه سفر ائدیب‌دیر.