آنا صحیفه پلانت |
آمریکا پرزیدنتی دونالد ترامپ آوقوستون ۲۴-ده فرانسالی همکاری امانوئل ماکرونون گ۷ ساممیتینین کئچیریلدیی بیارریتز شهرینده تشکیل ائتدیی نهار ضیافتینده ایشتیراک ائدیب.
اولجهدن پلانلاشدیریلمایان و ایکی ساعت داوام ائدن گؤروشده ایران دا داخیل اولماقلا، گ۷ ساممیتینین واجیب گوندهلیکلری ایله باغلی ایکی اؤلکه لیدرلری آراسیندا عمومی یاناشما الده اولونوب.
گؤروشدن سونرا امانوئل ماکرون بیلدیریب کی، ایکی ساعت داوام ائدن ناهار واختی کئچیریلهن گؤروشده، ایران مسئلهسی و آمازون مئشه یانغینلاری دا داخیل اولماقلا، گ۷ سامیتینده موذاکیره اولونان واجیب مؤوضوعلار آراسیندا ایکیطرفلی یاخینلاشمالارین اولدوغونو سؤیلهییب.
"من ائله بو دقیقه فرانسا پرزیدنتی امانوئل ماکرونلا ناهاردان چیخدیم. هر ایکی اؤلکه اوچون چوخلو و یاخشی شیلر باش وئرهجک. دیگر دونیا لیدرلری ایله الا بیر هفته سونو".
ائلیسئی ساراییندان وئریلهن معلوماتا گؤره، گؤروشده دونالد ترامپ ایران مسئلهسی ایله باغلی "محاربه ایستمدیینی، آنجاق ایرانلا راضیلیق الده ائتمک نیتینده اولدوغونو وورغولاییب".
بو آرادا ائلیسئی ساراییندان وئریلهن معلوماتا گؤره، ائمانوئل ماکرون ایرانلا باغلی دونالد ترامپا بیر حل واریانتی تکلیف ائدیب. تکلیفه اساساً، تهران نووه سازیشی چرچیوهسینده اوزرینه گؤتوردویو اؤهدهلیکلرین قارشیلیغیندا اؤز نفتینین بیر حیصهسینی ساتا بیلر.
امانوئل ماکرونون سؤزلرینه گؤره، بو پلانین حیاتا کئچیریلمهسی آمریکا و ایران آراسینداکی گرگینلیگی آزالدا بیلر و گرگینلیین تهلوکهلی بیر مرحلهیه چاتمالارینین قارشیسینی آلا بیلر. عینی زاماندا، بو پلان تهرانین اؤز عهدهلیکلرینه قاییتماسی ایله دیالوگا یول آچا بیلر.
تاریخ
2019.08.25 / 15:19
|
مولف
Axar.az
|