«تاخت سلیمان» یونسکو طرفین‌دن بشری ارث کیمی قئیدیات‌دان کئچیب.

بو سؤزلری قوشاچای، سایینقالا و تیکانتپه شهرلرینین میللی مجلیس‌ده‌کی نماینده‌سی، میللت وکیلی همایون هاشمی مدنی ارث، ال ایشلری و توریزم ناظیرلیینه موقتی ناظر وظیفه‌سینی ایجرا ائد‌ن علی اصغر مونسیان ایله گؤروشو باره‌ده دانیشارکه‌ن دئییب.

«بو گؤروش‌ده تیکانتپه شهرین‌ده مدنی ارث، ال ایشلری و توریزم نماینده‌لیگی ایداره ایستاتوسو تاپماسی باره‌ده قرار وئریل‌دی. معلوم مسئله‌دیر کی، نماینده‌لیک ایداره ایله مقاییسه‌ده داها آز ایمکانلاری اولور. بئله‌لیکله، همین ایداره‌نین ایمکانلاری داها دا آرتاجاق. ۱۶۵ قیدیات‌دان کئچمیش میللی عابده‌سی اولان تیکانتپه شهرینه مدنی ارث، ال ایشلری و توریزم ناظرلیگی خصوصی دقت آییرمالیدیر. اومید ائدیریک کی، مده‌نی ارث، ال ایشلری و توریزم نماینده‌لیک‌دن ایداره‌یه چئوریلمه‌سی ایله بو شهرده توریزم داها دا اینکیشاف ائدر و بؤلگه‌نین اینکیشافینا تکان وئرر».

تیکانتپه شهری قربی آذربایجان ویلایتینین جنوب شرقین‌ده یئرلشیر و زنجان، شرقی آذربایجان و کردوستان ویلایتلری ایله همسرحددیر. اؤلکه‌نین ان بؤیوک قیزیل مدنی و دونیا اوزره تانینمیش ۳۰۰۰ ایللیک شیز شهری و زردوشتون دوغولدوغو یئر آزرگوشسب آتشگاهی بو شهرده یئرلش‌سه ده، سون معلوماتلارا گؤره اؤلکه‌نین ان آز تأمینات‌لی شهرلریندن بیریدیر.