روسییا فدراسییاسینین اودمورتییا رسپوبلیکاسین‌دا پروفسور آنا دیلینین اونودولدوغونو بیان ائد‌رک پارلامنتین بیناسی قارشی‌سین‌دا اؤزونو یاندیریب.

آلبرت رازین آدلی سوسیولوق-عالیم اودمورتجانین یاشادیلماسی اوچون سونا قدر مباریزه آپاراجاغینی سؤیله‌ییب.

پروفسور پارلامنتین آنا دیلینین قورونماسی ایستیقامتین‌ده هئچ بیر ایش گؤرمه‌مه‌سینه اعتراض اولاراق بیر نئچه دفعه آکسییا کئچیریب. او، بیر نئچه دفعه پارلامنته مکتوب یازیب "دیلیمیزین یوخ اولدوغو گون اؤزومو یاندیراجاغام" دئیه قید ائتسه، تشببوسلری نتیجه‌سیز قالیب.

اؤتن گون ایسه الین‌ده داغیستان شاعری رسول همزتووون شعیرین‌دن "صاباح دیلیم یوخ اولاجاقسا، من بو گون اؤلمه‌یه حاضیرام" سیتاتینین یازیلدیغی پلاکاتلا پارلامنتین بیناسینین اؤنونه گله‌رک اؤزونه اود ووروب. تعجیلی طبی یاردیملا خسته‌خانایا چاتدیریلان آلبرت رازینین وضعیتینین آغیر اولدوغو بیلدیریلیر.

حادثه ایله علاقدار پارلامنتین ایجلاسی یاریمچیق قالیب.