«آمریکا محاربه‌یه تاریخ‌ده هئچ بیر اؤلکه‌نین اولمادیغی قدر حاضردیر».

بونو آمریکا پرزیدنتی دونالد ترامپ سعودییه عربیستانینین «آرامکو» نفت اعمالی شیرکتینین هوجوما معروض قالماسی حاقین‌دا دانیشارکه‌ن دئییب.

آغ ائوین دییرمی اوفیسین‌ده ژورنالیستلرین سواللارینی جوابلان‌دیران ترامپ بیلدیریب کی، هجوملارین آرخاسین‌دا ایرانین اولدوغونا اینانیر، لاکین یئکون نتیجه الده ائتمک اوچون آراشدیرمالار داوام ائدیر: «ایران ایله محاربه ایستمیرم، لاکین آمریکا قیریجی طیاره‌لر، راکتلر کیمی ان یاخشی سلاح سیستملرینه مالیکدیر. آمریکا دونیادا هئچ بیر اؤلکه‌نین اولمادیغی قدر محاربه‌یه حاضردیر».

ایران ایله دیپلوماتییا یولونون باغلانیب-باغلانمادیغی سوالینی ایسه بئله جوابلاندیریب: «خیر، دیپلماتییا هئچ واخت توکنمیر. نه اولاجاغینی هئچ واخت بیله بیلمزسینیز. بیر راضیلاشما الده ائتمک ایستدیکلرینی بیلیرم».

ایرانا آمریکا طرفین‌دن حربی هجوم ائدیلمه‌سینین متناسیب اولوب-اولمایاجاغینا دایر سوالا ایسه «متناسیب اولاجاغینی دوشونوره‌م. بو سوالا جوابیم بلی‌دیر».

آمریکا لیدری همچینین، ایران پرزیدنتی حسن روحانی ایله پلانلاشدیریلمیش توپلانتی اولمادیغینی قید ائدیب.