بیرلشمیش ایشتاتلارین مدافعه ناظری اوکتیابر ۱۱-ده کئچیردیی مطبوعات کنفرانسین‌دا یاخین شرق‌ده داوام ائد‌ن تهدیدلره جواب اولاراق ایکی علاوه دؤیوش ائسکادرلییاسی و دستک قوه‌لرینین بؤلگه‌یه اعزام ائدیلمه‌سی ایله باغلی گؤستریش وئردیینی بیلدیریب.

آخار. آذ خبر وئریر کی، یئنی تدبیرلرین پاتریوت و تودد راکتدن مدافعه سیستملرینین گؤندریلمه‌سینی نظرده توتدوغونو دئیه‌ن مارک آسپر قید ائدیب: «من هابئله کئچن آی سعودییه عربیستانینا داها اوچ مین حربی قوه‌نین گؤندریلمه‌سینه اجازه وئرمیشم».
«اصلین‌ده، ایرانین تخریباتلارینا جواب اولاراق، آمریکا، کئچه‌ن ایلین مای آییندان بری بؤلگه‌یه طیاره، راکتدن مدافعه سیستملری، ب-۲ بمباردمان‌چیلاری، دؤیوش گمی‌سی، پوا و داها چوخ تکنیکی و دستک قوه‌سی اعزام ائدیب، بو دا رگیون‌دا ۱۴ مین علاوه حربی قوه دئمکدیر».