سعودییه عربیستانینین خاریجی ایشلر اوزره دؤولت ناظری عادیل الجوبئیر ژورنالیستلره آچیقلاماسیندا بو اؤلکه‌نین آرامجو نفت تاسیساتلارینا قارشی هوجوملار باره‌ده آپاریلان آراشدیرمالارین نتیجه‌سیندن و ایرانین بو هوجوملارداکی رولوندان دانیشیب.

آخار. آذ-این معلوماتینا گؤره او دئییب کی، ایران بین الخالق قانونلارا و دیگر اؤلکه‌لرین میللی حاکمیتینه حؤرمتله یاناشمیر: «بیز ایختیاریندا اولان قانع ائدیجی سند و دلیل-ثبوتلارلا آرتیق امین اولموشوق کی، آرامجو نفت تاسیساتلارینا قارشی هوجوملاردا ایرانین بیرباشا الی اولوب. تأسفلر اولسون کی، بیزیم ایکی نفت تاسیساتیمیزا قارشی حیاتا کئچیریلن هوجوملار، ایران رژیمینین رگیون‌دا آپاردیغی اداوتلی هدفلرینین گؤستریجیسی‌دیر. مؤوجود دلیل-ثبوتلار و نیشانه‌لر بیزی آرتیق قانع ائدیب کی، نفت تاسیساتلاریمزا قارشی آتیلان راکتلر ایرانا مخصوص‌دور. بیز دفعه‌لرله بیلدیرمیشیک کی، محاربه طرفداری دئییلیک. لاکین هم ده بیلدیریریک کی، بو کیمی هوجوملار قارشیسیندا ساکیت ده قالمایاجاغیق.

رسمی تهرانین کؤرفز حوزه‌سی اطرافینداکی عرب اؤلکه‌لری ایله موذاکیره‌یه حاضر اولدوغونو بیلدیرمه‌سینه گلینجه، بیز هئچ بیر اؤلکه‌نین بیزیمله ایران آراسیندا واسطه‌چی‌لیک ائتمه‌سینی ایسته میریک. بیز، سادجه اولاراق ایراندان ایستییریک کی، دانیشماق اوزینه عملی آددیم آتسین و رگیون اؤلکه‌لرینین داخیلی ایشلرینه موداخیله‌سینی دایاندیرسین» –دئیه، سعودییه عربیستانینین خاریجی ایشلر اوزره دؤولت ناظری عادیل الجوبیر بیان ائدیب.