بیرلشمیش میللتلر تشکیلاتینین قیدا و کند تصروفاتی تشکیلاتی (فاو) «اورمییه گؤلون‌ده سو احتیاطلارینین داواملی ایداره ائدیلمه‌سی اوزره واحید پروگرام» لاییحه‌سی چرچیوه‌سین‌ده تدبیر کئچیریب.

«فائو»دان چرشنبه گونو وئریله‌ن معلوماتا گؤره، سئمینار بیرلشمیش میللتلر تشکیلاتینین قیدا و کند تصروفاتی تشکیلاتینین، ایرانین ائنئرگئتیکا ناظیرلیینین، کند تصروفاتی جیهادی ناظیرلیینین، مئتئورولوگییا تشکیلاتی، قوراقلیغین میللی مونیتورینقی و خبردارلیق مرکزی، اورمییه گؤلونون برپاسی قرارگاهینین، شریف تکنولوگییا اونیوئرسیتئتی و ایران علم و تئخنولوگییا اونیوئرسیتئتی ائکسپئرتلری و متخصصلرینین ایشتیراکی ایله مئتئورولوگییا و آتموسفئر علملری اینستیتوتون‌دا کئچیریلیب.

سئمینار ایشتیراکچیلاری قوراق‌لیق ایندئک‌سینی حاضرلاماق اوچون ایستیفاده ائدیله‌ن منطیق، پروسدور و مئتودلاری نظردن کئچیره‌رک، کومبیناسییالی قوراق‌لیق ایندئکسینین یاخشیلاشدیریلماسی اوچون قارشی‌دا دوران آددیملاردا ایستیفاده اولونا بیله‌جک دیگر پوتنسیال دییشه‌نلری، کومپونئنتلری و گؤستریجیلری موذاکیره ائدیب.

فاو-نون تورپاق احتیاطلارینین ایداره ائدیلمه‌سی اوزره باش متخصصی گیانلوکا فرانچئسکینی حیاتا کئچیریله‌ن فعالیت و تدبیرلر حاقین‌دا دئییب: بو گون قوراقلیغین قیمتله‌ن‌دیرمه‌سینین و ائل‌جه ده قوراقلیغین اؤلچولمه‌سی ایله باغلی ایک نتیجه‌لر تقدیم ائدیلیب و موذاکیره اولونوب.

اونون سؤزلرینه گؤره، بو، مئتئورولوژی، کند تصروفاتی و هیدرولوژی قوراقلیغین موختلیف آسپئکتلری باره‌ده بو معلوماتلاری وئره‌ن ایرانین ایلک امکداش‌لیغی‌دیر.