تورکییه اف-۱۶-لاری ایله یونانیستان هاوا قوه‌لرینه مخصوص حربی طیاره‌لرین اژه دنیزی اوزرین‌ده اوز-اوزه گلمه‌سی ایله باغلی ماراق دوغوران ویدئو اوزه چیخیب.

آخار. آذ خبر وئریر کی، سؤزوگئدن ویدئونو یوتوب شبکه‌سین‌ده‌کی «تشکیلات تی وی» کانالی پایلاشیب.

ویدئودا تورک پیلوتلارین یونانیستان حربی طیاره‌لرینه اژه دنیزی اوزرینده اوچماغا ایمکان وئرمه‌مه‌سی، داواملی اولاراق قووماسی و سون‌دا یونان پیلوتلارین همین هاوا مکانینی ترک ائتمه‌سی گؤرونور.

قیده آلینمیش گؤرونتولرده تورک پیلوتلارین یونان قیریجیلارینی دایم هدف‌ده ساخلادیغی و بیر آتشله محو ائده بیلجیی آیدین سئزیلیر.

یونانیستان مدافعه ناظری نیکوس پانقیوتوپولوس ایسه حادثه‌نی باشقا جور شرح ائتمه‌یه چالیشیب. او، یونانیستان هاوا قوه‌لرینه مخصوص ۳۸ عدد اف-۱۶ و میراژ-۲۰۰۰ رئاکتیو طیاره‌لرینین اژه دنیزی اوزرینده هاوایا قالخدیغینی ادعا ائدیب. ناظر یونان پیلوتلارلارین گویا تورک پیلوتلارینا «درس وئرمه‌سی» حاق‌دا فیکیر سسلندیرسه ده، اوزه چیخان بو ویدئو حقیقتی – تورک پیلوتلارینین موستثنی اوستالیغینی، یونان قیریجیلارین قاچماسینی گؤزلر اؤنونه سریر.

قید ائدک کی، تورک پیلوتلار ناتو قوه‌لری ایچریسین‌ده خصوصی پئشکارلیقلاری و جسارتلری ایله سئچیلیرلر.