ایران‌دا موخالیفتین لیدرلرین‌دن بیری اولان مهدی کرروبینین اوغلو حسین کروبی ساخلانیلیب.

آخار. آذ خبر وئریر کی، بو معلوماتی «فارس» آگئنت‌لیگی یاییب. معلوماتا گؤره، حسین کرروبی آنتی‌حکومت آکسییالارینا دستک وئردیی اوچون حبس اولونوب. اونون اؤز ائوین‌ده ساخلانیلدیغی وورغولانیب.

قید ائدک کی، ایران‌دا سون بیر نئچه گون‌دور اعتراض آکسییالاری داوام ائدیر. اعتراض آکسییالارینا ایران هاوا هجومون‌دان مدافعه سیستملرینین اوکراینایا مخصوص سرنیشین طیاره‌سینی وورماسی سبب اولوب. آکسییالارا طلبه‌لر ایستارت وئرسه ده، سونرادان اونون آرئالی گنیشلنیب. اعتراضلار تهران، رشت، همدان، کرمان و دیگر اراضیلری احاطه ائدیب. آکسییالار زامانی خامنه‌ای علیهینه شعارلار سسلنیب، قاسم سلیمانینین شکیللری اعتراضچیلار طرفین‌دن جیریلیب.

مهدی کرروبی ایران‌دا پراگماتیک رفورمیست سیاست‌چیلردن ساییلیر. او، ایران حقوق و تهلوکه‌سیزلیک سیستمینین ان کسکین تنقیدچیلریندن بیری حساب ائدیلیر.

پارلامنتین ایسپیکری وظیفه‌سینی ایجرا ائد‌ن کرروبی ۲۰۰۹-جو ایلده پرزیدنت‌لییه نامیزد اولسا دا، سئچکینین ایلک تورون‌دا اوچونجو یئرده قرارلاشیب. بون‌دان سونرا او، میر حسین موسوی ایله بیرگه حکومته قارشی تشکیل ائدیله‌ن آکسییالارا لیدئرلیک ائدیب. بونون دا نتیجه‌سین‌ده او، ۲۰۱۱-جی ایلده حبس ائدیلیب و ائو دوستاقلیغینا محکوم اولونوب. ایندییه قدر ائو دوستاقلیغین‌دا اولان کروبی همچینین سون اعتراض آکسییالاری زامانی خامنه‌اییه تنقیدی مکتوب یازاراق، اونون ایستعفا وئرمه‌سینی طلب ائتمسیله گون‌ده‌مه گلیب.

حسین کروبییه گلینجه ایسه او، آتاسینین یاراتدیغی میللی اعتیماد پارتییاسینین عضوودور.