تورکییه‌نین الازیغ و مالاتیا شهرین‌ده باش وئرن گوجلو زلزله نتیجه‌سین‌ده اؤلنلرین سایی ۱۹-آ چاتیب.

آخار. آذ خبر وئریر کی، بو باره‌ده تورکییه‌نین صحییه ناظرلیگی معلومات یاییب.

معلوماتا گؤره، زلزله نتیجه‌سین‌ده ۷۷۲ (مالاتیا - ۲۲۱، الازیغ - ۵۵۱) نفر خسارت آلیب.

تورکییه‌نین فؤوق العاده حاللارین ایداره اولونماسی آگئنتلیینین (آفاد) معلوماتینا گؤره، فلاکت بؤلگه‌سینه تورکییه‌نین ۲۸ ایالتین‌دن ۴۹۳ خیلاص ائدیجی قروپ جلب ائدیلیب.

موبایل اوپئراتورلار الازیغ و مالاتیادا پولسوز فعالیت گؤستریر.

***

الازیغ و مالاتیا شهرلرین‌ده اؤل‌نلرین سایی ۲۰-یه، یارالانانلارین سایی ایسه ۱۰۱۵-ا چاتیب.

قید ائدک کی، اؤن گون تورکییه‌نین ائلازیغ ویلایتینین سیوریجه ایلچه‌سین‌ده یئرلی واختلا ۲۰:۵۵-ده ۶،۸ بال گوجون‌ده زلزله باش وئریب.

داها سونرا ایسه ائلازیغ‌دا ۵،۴ بال و ۵،۱ بال گوجون‌ده داها ایکی زلزه‌له قیده آلینیب.

زلزله تورکییه‌نین بیر چوخ شهرلرین‌ده و عراقین شیمالین‌دا دا هیسس ائدیلیب.

***

بو دقیقه‌لرده تورکییه‌نین الازیغ شهرین‌ده ۴.۳ بال گوجون‌ده داها بیر زلزله اولوب.

***

تورکییه‌نین فؤق العاده حاللارین ایداره اولونماسی آگنتلیینین (آفاد) یایدیغی سون معلوماتا اساساً، زلزله نتیجه‌سین‌ده اؤلنلرین سایی ۲۱-ا، یارالیلارین سایی ایسه ۱۰۳۰-آ چاتیب.

***

رسمی قوروملار زلزه‌له‌ده ۲۲ نفرین اؤلدویونو آچیقلاییب. الازیغدا ۱۸، مالاتیادا ۴ نفر طبیعی فلاکتین قوربانی اولوب، ۱۰۳۱ نفر یارالانیب.

***

تورکییه‌نین الازیغ شهرین‌ده ۵.۱ بال گوجونده نؤوبتی آفترشوک قیده آلینیب.

بو باره‌ده قندیللی رصدخاناسی معلومات یاییب.

آفترشوکلارین یئرلی ساعتلا ۱۹:۳۰-دا، یئرین ۷.۲ ک.م درینلیین‌ده قیده آلیندیغی بیلدیریلیب.

***

تورکییه‌ده زلزله نتیجه‌سین‌ده اؤلنلرین سایی ۲۹ نفره، یارالیلارین سایی ایسه ۱۴۶۶ نفره چاتیب.

***

تورکییه‌نین مانیسا شهرین‌ده داها بیر زلزله اولوب.

مانیسانین آک حیسار رایونون‌دا تورکییه واختی ایله ساعت ۲۰.۴۹ راده‌لرینده زلزله باش وئریب.

قندیل‌لی رصدخاناسی زلزله‌نین ۴.۲ بال گوجون‌ده اولدوغونو بیلدیریب.