مشکینشهرده مکتبلر نووروز بایرامینا قدر تتیل ائدیلیب.

آخار. آذ خبر وئریر کی، بو سؤزلری مشکینشهر والی‌سی اکبر صمدی دئییب.

«صحییه و ساغلام‌لیق ناظیرلیینین ایالت تعمین شوراسینین اورتاق ایجلاسین‌دا وئریله‌ن تکلیفه گؤره، بایراما قدر شهرده‌کی بوتون مکتبلر باغلی اولاجاق. کورونا ویروسا یولوخماق‌دان شوبهه‌لی دؤرد خسته حاضردا ولیعصر خسته‌خاناسینین کورونا پالاتاسینا یئرلشدیریلیب. شهرده‌کی بوتون درمان سو مرکزلری و قلیانخانالار ایکینجی خبردارلیغا قدر باغلی‌دیر. بو گون حکومت ایداره‌لرینین ایش ساعتلاری ایکینجی بیلدیریشه گؤره، ۴۵ دقیقه‌لیک گئجیکمه ایله باشلایاجاق. مأمورلاری ایداره‌ده هر هان‌سی بیر یئمکدن چکینسه‌لر یاخشی اولار».

او، هابئله شخصی و اجتماعی ساغلاملیغا احتیاج اولدوغونو وورغولاییب، وطنداشلاری هر هانسی بیر ییغین‌جاق و مراسیم‌دن چکینمه‌یه چاغیریب، بلدییه‌یه و ایسلام تبلیغات ایداره‌سینه اجتماعی یئرلرین، او جمله‌دن، مسجیدلرین تمیزلیینه دقت ائتمه‌لرینی توصیه ائدیب.

والی، همچینین، جومعه گونو نمازینا ایشتیراک ائد‌ن عبادت‌چیلر اوچون خصوصی تنظیمله‌مه‌لرین تعمین اولوندوغونو اعلان ائدیب.