دونیادا سرعتله یاییلان جووید-۱۹ پاندئ‌مییاسی ایله باغلی عالیملرین آراش‌دیرمالاری داوام ائدیر. عمومی معنادا خسته‌لیین ایلکین اولاراق اؤزونو قریپ و سویوقدیمه کیمی بوروزه وئردیی مشاهیده اولونور. بونونلا بئله، بیر چوخ اینسان بو ویروسا یولوخمانین نئجه باش وئریینی بیلمیر.

آخار. آذ کوروناویروسا یولوخان اینسانلارین گونبگون هانسی سیمپتوملارلا اوزلشدیینی تقدیم ائدیر:

۱-۳-جو گون

سویوقدیمه و گریپ کیمی اؤزونو گؤستریر. یونگول قیزدیرما و بوغاز آغریسی مشاهده اولونور. ایممونیتت ضعیفدیرسه، اورک بولانماسی و قوسما باش وئریر.

۴-جو گون

بوغاز آغریسی شدتلنیر، سس بوغولور. یئمک و ایچمکده چتینلیک یارانیر. یونگول باش آغریسی ایله بیرلیکده، قوسما باشلاییر.

۵-جی گون

بوغاز آغریسی شدتلنیر. یئمک و ایچمک اولدوقجا آغریلی بیر حال آلیر. بدنی ترپتمک، حرکت ائتدیرمک آغری‌لی اولور. عضله آغریلاری حس اولونور.

۶-جی گون

قورو اؤسکورک باشلاییر. دانیشارکه‌ن و اودقونارکه‌ن بوغاز آغریسی شدتلنیر. شدتلی حالسیزلیق اولور. زامان-زامان نفس آلماق چتینلشیر. اورک بولانماسی و قوسما چوخالیر.

۷-جی گون

قیزدیرما ۳۸ درجه‌یه یوکسلیر. اؤسکورک و بلغه‌م شدت‌لنیر.

۸-جی گون

نفس آلماق چوخ چتینلشیر. دؤش قفسین‌ده شدتلی آغریلار باش وئریر. اؤسکوره‌ن زامان باش، عضله آغریلاری حس اولونور.

۹-جو گون

بوتون سیمپتوملار شدتله آرتیر، اوز و یا دوداقلار گؤیریر...

قید ائدک کی، بو سیمپتوملاری اؤزونوزده مشاهیده ائتدیینیز تقدیرده درحال تعجیلی طبی یاردیما مراجعت ائدین.