کوروناویروس اینفئکسییاسی گونئی آذربایجان شهرلرینی گون کئچدیکجه داها چوخ بورویور. بحران‌دان چیخماق اوچون شهر ساکینلرین‌دن ائوده قالمالاری طلب اولونور.

آخار. آذ خبر وئریر کی، میانا شهرینین بیر قروپ اجتماعی فعالی ویروس تهلوکه‌سینین جدی اولدوغونو اهالییه چاتدیرماق اوچون خصوصی دیققت چکن تدبیر دوشونوبلر.

سالار پویان، قادیر حسن‌زاده و حامید یزدانی قورویوجو پالتارلار گئیینه‌رک چیینلرین‌ده بیر تابوت گزدیریب، شهر اهالی‌سین‌دن چؤله چیخمامالارینی ایسته‌ییبلر.

تابوتون اوزرین‌ده آذربایجان تورکجه‌سی، آنادولو تورکجه‌سی، فارس و اینگیلیس دیللرین‌ده «سونراکی آدام سن اولماق ایستییرسن!؟» و «ائوده قالین» سؤزلری یازیلیب.