یاخین گله‌جک‌ده ایران ایسلام رسپوبلیکاسی و آذربایجان رسپوبلیکاسی آراسین‌دا آستاراچای چایی اوزرین‌ده یئنی کؤرپونون تیکیلمه‌سینه باش‌لاناجاق.

آخار. آذ خبر وئریر کی، بونو ایرانین شیمالین‌دا یئرلشه‌ن گیلان ویلایتینین آستارا رایونونو قوبئرناتورو حسن روستمزاد دئییب.

روستمزادین سؤزلرینه گؤره، بو کؤرپو ایران و آذربایجان آراسین‌دا آستاراچای اوزرین‌ده ۳-جو بین الخالق کؤرپو اولاجاق و اوندان ترانزیت یوک ماشینلارینین کئچمه‌سی اوچون ایستیفاده اولوناجاق.

روستمزاد دئییب کی، بو کؤرپونون اینشا اولونماسینا ۴۰۰ میلیارد ریال (تخمیناً ۹،۵ میلیون دلار) وسایت آیریلیب.

او علاوه ائدیب کی، آستارا دمیریولو تئرمینالی اراضی‌سین‌ده تاخیل و نئفت آنبارلاری اینشا ائدیلمک‌ده‌دیر. آذربایجان بو لاییحه‌لرین ایجرا اولونماسی اوچون ۶۰ میلیون دوللار اینوئستی‌سییا یاتیریب.

آستارا-رشت دمیر یولونون ۱۰ کیلومئتری ایرانین آستارا رایونو اراضی‌سین‌ده‌دیر. بو دمیر یولونون اینشاسینا ۶۰۰ میلیارد ریال (تخمیناً ۱۴،۲ میلیون دلار) وسایت آیریلیب و اینشا ایشلری داوام ائدیر.