آمریکادا جورج فلوید اوچون کئچیریله‌ن آکسییالارا اینگیلتره‌دن ده دستک گلیب.

آخار. آذ خبر وئریر کی، اینگیلتره‌نین پایتختی لندن‌دا مینلرله اینسان آمریکا سفیرلیگی اؤنون‌ده اعتراض آکسییاسی کئچیریب.

سفیرلیک بیناسینا گیرمک ایسته‌یه‌ن اعتراضچیلارین اؤنونو پلیس کسیب.

معلوماتا گؤره، آکسییا ایشتیراکچیلاری «عدالت یوخدورسا، امین-آمانلیق یوخدور»، «دیزینیزی بوینوموزدان چکین»، «گئرچک پاند‌مییا ایرق‌چی‌لیکدیر» کیمی شعارلار سسلندیریبلر.

سفیرلیین اؤنون‌ده پلیسله اعتراضچیلار آراسین‌دا قارشی‌دورما دا یاشانیب.

بیلدیریلیر کی، ۱۱ اعتراضچی پلیس طرفین‌دن ساخلانیلیب.

قید ائدک کی، آمریکادا قارادریلی جورج فلوید ساخلانیلارکه‌ن پلیس طرفین‌دن اؤلدورولوب. بوندان سونرا اؤلکه‌نین بیر چوخ ایشتاتین‌دا اعتراض آکسییالاری باشلاییب.