گونئی آذربایجانین موختلیف ایالتلرین‌ده توی، یاس و عایلوی قوناق‌لیقلارین کئچیریلمه‌سی کوروناویروس اینفئکسییاسینین یاییلماسینی سورعتلندیریر.

آخار. آذ خبر وئریر کی، همدان ایالتین‌ده پاندمییانین گئنیش یاییلدیغی دؤورده موختلیف مراسیملرین کئچیریلمه‌سی نتیجه‌سین‌ده بو گونه کیمی ۱۷۴ نفر کوروناویروسا یولوخوب.

بو باره‌ده، همدان طب اونیورسیتتینین رکتورو رشید حیدری مقدم معلومات وئریب.

اونون سؤزلرینه گؤره، ان سون همدان‌دا کئچیریله‌ن بیر قوناق‌لیق‌دا کوروناویروس داشیییجی‌سی اولان شخص ۴۸ نفری اینفکسییایا یولوخدوروب.

زنجان ایالتین‌ده ده توی مراسیمینه قاتیلان ۳۵ نفر کوروناویروسا یولوخوب. زنجان طب اونیورسیتتینین رکتورو پرویز قیزیلباشین وئردیی معلوماتا گؤره، خسته‌لییه یولوخانلاردان ۶ نفر خسته‌خانایا یئرلشدیریلیب.

قیزیلباش علاوه ائدیب کی، زنجان رستورانلارینین بیرین‌ده کئچیریله‌ن دیگر بیر مراسیمه قاتیلان شخصلرین یاری‌سینین کوروناویروس تئستی پوزیتیو چیخیب.

«مراسیم‌ده ایشتیراک ائد‌ن ۲۵ نفردن ۱۳ نفر کووید-۱۹ ویروسونا یولوخوب،» دئیه او بیلدیریب.