روسییا پرزیدنتی ولادیمیر پوتین غربدن اوکراینایا قارشی محاربه ایله باغلی سونونجو خبردارلیغی آلیب، اگر کرئمل رهبری بونو قبول ائتسه، او زامان اونون بیر مدت حاکمیت‌ده قالماق شانسی وار.

Axar.az خبر وئریر کی، بو آچیقلاما ایله روسییا دولت دوماسینین کئچمیش میلت وکیلی گنادی قودکوو چیخیش ائدیب.

کئچمیش میلت وکیلی قید ائدیب کی، غرب وحشیلشیر:

«حاضردا روسییادا صحنه آرخاسی شایعه‌لر یاییلیر. "راممستین"دن سونرا پوتینه سونونجو تکلیف ائدیلیب. تکلیفه اساساً، روسییا قوشونلارینی اؤتن ایلین فورالین ۲۳-دن اؤنجکی خطه چکمه‌لی، وئردیی ضرری، گناهی بوینونا آلمالی، تضمینات اؤد‌مه‌لیدیر. یئرده قالان اراضیلر اوچون سیاسی دانیشیقلار آپاریلاجاق".

کئچمیش میلت وکیلین سؤزلرینه گؤره، اگر پوتین تکلیفله راضیلاشسا، حاکمیتده قالاجاق، عکس حال‌دا اوکراینا اوچون هر شئی ائدیله‌جک کی، محاربه‌ده غالیب گلسین.