گونئی آذربایجانین گرمی و بیلسووار بؤلگه‌لرینده میدانا گلن سل داشقینلاریندان سونرا ایچملی سو پروبلمی ساکینلرین فلاکتینه چئوریلیب.

Axar.az خبر وئریر کی، بو باره‌ده یئرلی سوسیال مدیا استفاده‌چیلری و ضررچکه‌نلر چوخ‌سایلی پایلاشیملار ائدیبلر.

اونلار گرمی و اطراف کندلرده ایچملی سو اولمادیغینی، ساکینلرین بیر هفته‌دیر یاغیش سولاریندان استفاده ائتدیکلرینی بیلدیریبلر.

قیزیل آیپارا جمعیتی، ائلجه ده عایدیاتی دولت قوروملارینین لاقیدلیینی گؤرن گونئیلی کؤنوللولر بؤلگه اهالیسینه ایچملی سو ایله دولو یوک ماشینلاریندان عبارت کاروانلار تشکیل ائدیبلر.

کؤنوللولرین یاردیم کامپانیاسینا ایسه گرمی پلیسی و سپاه مأمورلاری مانع اولوب.

ماشین کاروانلارینی ساخلایان رژیم مسئوللاری اونلارین ضررچکنلره یاردیم ائتمک صلاحیتلرینین اولمادیغینی دئییب.

قید ائدک کی، ماین ۳۱-ی و ایونون ۱-ده بیلسووار و گرمی‌ده باش وئرن سل داشقینلاری اونلارلا کنده جدی زیان ووروب. یوللار، الکتریک و گاز خطلری، هابله کؤرپولر داغیلیب، کندلیلرین چوخ سایدا مال-قاراسینی سئل آپاریب.