روسییا پرزیدنتی ولادیمیر پوتینین عنعنوی دیرلرین سیاسی مدافعه‌سی حاقین‌دا فرمانی روسییا سیاستین‌ده دؤنوش نقطه‌سی‌دیر.

Axar.az خبر وئریر کی، بونو مشهور روسییالی فیلوسوف آلکساندر دوگین آمریکالی ژورنالیست تاکر کارلسونا مصاحیبه‌سین‌ده دئییب.

اونون سؤزلرینه گؤره، پوتین حاکمیته گله‌رک «روسییانی گلوبال تأثیردن چیخارماغا» و «گلوبال مترقی گونده‌مه ضد» اولماغا باشلادی. صحبتین سس‌یازیسی ژورنالیستین سایتین‌دا یئرلشدیریلیب.

او، روسییا دولت باشچی‌سینی عنعنوی دیرلری، دولت سوورنلیینی، خریستیان‌لیغی و عنعنوی عائله‌نی اوغورلا برپا ائد‌ن شخص کیمی خاراکتریزه ائدیب.

آلکساندر دوگینله مصاحیبه‌نین دقیق نه واخت آپاریلدیغی آچیق‌لانمیر. مصاحیبه‌نین تصویرینده دوگین «روسییانین ان مشهور سیاسی فیلوسوفو» آدلاندیریلیر. بیلدیریلیر کی، اونون ایدئیالاری «او قدر تهلوکه‌لیدیر» کی، قیزی داریا دوگینا اؤلدورولوب و اونون کیتابلارینین آمازوندا ساتیشی قاداغان ائدیلیب.