اینسانلارین و سلاحلارین ساییندا اهمیت‌لی اوستونلویه باخمایاراق، روسییا هله ده بوتون اوکراینانی اله کئچیره بیلمه‌ییب. بونون سببلریندن بیری ده روسییا اوردوسونون اؤز دوکتریناسینا و دؤیوش تاکتیکاسی ایله باغلی رسمی تعلیماتلارا محل قویماماسیدیر.

Axar.az خبر وئریر کی، بو باره‌ده "بوسینسس اینسایدر"ا راند "کورپوراسیون" آنالیتیک مرکزینین روسییا اوردوسو اوزره اکسپرتی سکوت بوستون بیلدیریب.

"بو دوکترینانین بیر چوخ اساس المنتلری کیفایت قدر گوجلودور کی، اونلار اوغورلو عملیاتلار اوچون زمین یارادا بیلر. اما سیز اونلارا عمل ائتملیسینیز. مثلاً، بیر روس بریگاداسی هجوم ائدرکن، بؤلمه‌لر کشفیات المنتلری، جناح محافظه‌سی ایله سینخرونلاشدیریلان و مهندیس بؤلمه‌لری، آرتیلرییا و هاوا هجوموندان مدافعه ایله دستکلنه‌ن قوشون و تانکلارین بیر نئچه اشلونون‌دا ایر‌لیله‌مه‌لیدیر. بو حالدا هجوم جبهه‌نین معین ائنینده باش وئرمه‌لیدیر.

لاکین روسییا محاربه‌نین ایلک گونلرینده ایلدیریم سرعتی ایله کیئوی اله کئچیرمه‌یه جهد ائد‌نده زیرهلی تکنیکا تیخاجلی یوللارلا ساده‌جه حرکت ائدیردی. کئچید منطقه‌لری و پوسقولارلا احاطه اولوندوقلاری اوچون اونلار اوکراینا آرتیلرییاسی، پیلوتسوز طیاره‌لر و تانک علیهینه راکتلرله محو ائدیلدی. آنجاق ایندی ده روسلار اؤز دؤیوش تعلیماتلارینا محل قویمورلار. مثلاً، روسلار سرعتلی و یاخشی علاقه‌لندیریلمیش مانورله ایر‌لیله‌مک اوزینه، ساده‌جه اولاراق اوکراینانین مدافعه خطلرینی آرتیلرییا مرمیلری و بومبالارلا بومبالاییرلار"، - آنالیتیک دئییب.