شوتلاندییا قارشی‌داکی بئش ایل عرضینده بؤیوک بریتانییادان آیریلا بیلر.

Axar.az خبر وئریر کی، بونو شوتلاندییانین بیرینجی ناظیری جان سوینی دئییب.

او بیلدیریب کی، بونون اوچون موجود آرگومنتلر ایناندیریجی‌دیر:

«شوتلاندییانین اوزلشدیی ایکی اساس پروبلم برکسیتین تأثیری و یاشاییش دیرینین اهمیتلی درجه‌ده آرتماسیدیر. هر ایکی‌سی وستمینسترده قبول ائدیله‌ن یانلیش قرارلار نتیجه‌سینده شوتلاندییایا جدی اقتصادی، سوسیال زیان ووران اساس استراتژی عاملدیر. مستقللیک ایسه موجود وضعیته جوابدیر».

سوینی قید ائدیب کی، شوتلاندییا اراده‌سی اولمادان آوروپا بیرلییندن چیخماق مجبوریتینده قالیب، چونکی اؤلکه ساکنلرینین اکثریتی رفراندوم‌دا برکسیتین علیه‌اینه سس وئریب.