ایران پرزیدنتی ابراهیم رئیسینین هلیکوپتر قزاسیندا هلاک اولماسی سببین‌دن کئچیریله‌جک نوبدن‌کنار پرزیدنت سئچکیلرینه نامیزدلیکلرینین ایر‌لی سورولمه‌سی احتمال اولونان شخصلرین آدلاری آچیقلانیب.

Axar.az خبر وئریر کی، بو باره‌ده «شفقنا» سایتی معلومات یاییب.

اونلارین آراسیندا تبریزین ایران پارلامنتین‌ده‌کی ملت وکیلی مسعود پزشکیان، همدان‌دان اولان ایران مرکزی بانکینین کئچمیش رهبری عبدالناصر همتی و بیر چوخ اهمیتلی وظیفه‌لرده ایشلمیش ماراغالی محسن مهرعلیزاده‌نین ده آدی وار.

اونلارلا یاناشی، اسحاق جهانگیری، محمد جواد ظریف، محمود احمدی‌نژاد، محمد باقر قالیباف، محمد مخبر، محمدرضا عاریف، محمد باقر نوبخت، سعید جلیلی، حسین دهقان، حداد عادل، پرویز فتاح، علیرضا زاکانی، محسن هاشمی و لاریجانینین ده نوبتی پرزیدنت سئچکیلرینده اشتراکی گؤزلنیلیر.

سیاسی شرح‌چیلر بیلدیریرلر کی، آدیچکیلن آذربایجان‌لیلارین، خصوصاً مسعود پزشکیانین پرزیدنت اولماق شانسی یوکسک‌دیر. لاکین آذربایجان‌لیلارین اصلاحات‌چی مؤقعلرینه گؤره علی خامنه‌ای و اطرافینین بونا امکان وئرجیی گؤزلنیلمیر.

بون‌دان اوولکی پرزیدنت سئچکیلرین‌ده همدان‌لی عبدالناصر همتی ابراهیم رئیسینین ان جدی رقیبی حساب ائدیلیردی.

قید ائدک کی، سئچکیلرده اشتراک ائد‌جک نامیزدلر مایین ۲۸-دن قیدیاتا آلیناجاق و نوبدنکنار پرزیدنت سئچکیلری ایونون ۲۸-ده کئچیریله‌جک.