آلمانییا وطنداشی جمشید شارمهدین اعدامیندان سونرا بو اؤلکه‌نین خارجی ایشلر ناظیرلییی آلمانییا وطنداشلارینا چاغیریش ائد‌رک اونلاردان ایرانی ترک ائتمه‌لرینی ایسته‌ییب.

Axar.az خبر وئریر کی، بو باره‌ده آلمان خارجی ایشلر ناظیرلییی‌نین سؤزچوسو کریستوفر بورگر معلومات یاییب.

"آلمانییا اوزون مدتدیر ایرانا سیاحتله باغلی خبردارلیق ائدیب و اؤز وطنداشلاریندان بو اؤلکه‌نی ترک ائتمه‌یی ایسته‌ییب، اونا گؤره کی، تهران آلمانییا وطنداشلارینی گیروو گؤتورور"،- او بیلدیریب.

بورگر همچینین آلمانییالیلارا ایرانا سفر ائتمه‌مه‌یی تاپیشیریب.

قید ائدک کی، اوکتیابرین ۲۹-دا جاسوسلوق و تروردا گوناهلاندیریلان ایران‌اصیللی آلمانییا وطنداشی ۶۸ یاشلی جمشید شارمهد تهران‌دا اعدام ائدیلیب.

بوندان سونرا آلمانییا تهران‌داکی سفیرینی گئری چاغیریب و ایرانین آلمانییانین ۳ شهرینده‌کی کونسوللوقلارینی باغلاییب.