"اورشنیک"دن استفاده غربی دانیشیقلارا مجبور ائده بیلر.

Axar.az خبر وئریر کی، بو باره‌ده چچنیستان رهبری رمضان کادیروو تلگرام کانالین‌دا یازیب.

"من ده جبهه خطین‌ده‌کی اون مینلرله عسگر کیمی عالی باش کوماندانین بئله بیر بیاناتینی چوخدان گؤزلییردیم. غرب‌ده اونلار ایستی و کفایت قدر ساکت یئرده اوتوروبلار. اودور کی، اصل محاربه‌نین نه اولدوغونو اؤز دریلرینده حس ائتسینلر. محاربه‌ده اشتراکینی آچیق اعتراف ائتمکدن قورخان دولتلرین هدفلرینه ده گوجلو ضربه وورماغین واختی چاتیب"، - کادیروو وورغولاییب.

چچنیستان رهبری اونو دا علاوه ائدیب کی، استحصال‌چی اؤلکه‌لرین اشتراکی اولمادان اورتا و یاخین منزیل‌لی راکتلردن استفاده ائتمک ممکن دئییل:

"امینم کی، بئله بیر جوابدان سونرا درحال دانیشیقلارا اشاره ائتمه‌یه باشلایاجاقلار. آنجاق بو ماسا آرخاسیندا یالنیز بیر طلبله اوتورمالی اولاجاقسینیز - روسیانین بوتون شرطلرینی مذاکیره‌سیز و یا گذشت ایستکلری اولمادان یئرینه یئتیرمک. روسیانین اوزاق منزیللی سلاحلارینین تام اؤلدوروجو گوجونو نماییش ائتدیرمک لازیم‌دیر کی، تک اوکراینا "ناسیست"لری دئییل، بوتون غرب بیزیم قاباقجیل حربی انکشافیمیز قارشی‌سیندا قورخو و اومیدسیزلیکدن تیتره‌سین. اونلار روسیا ایله اصل محاربه ایستییردیلر؟ اودور کی، قوی، بو محاربه‌دن دویسونلار".

قید ائدک کی، اؤتن گون روسیا «اورشنیک» بالستیک راکتلری ایله اوکراینایا ضربه ائندیریب.