تبریزده یاشایان مدنی فعال و آذربایجان رقصی معلمی پیمان ابراهیمی دینور تبریز محکمه‌سینین جنایت حکملرینین اجراسی بؤلمه‌سینه چاغیریلیب.

Kult.az خبر وئریر کی، بو باره‌ده فعالین یاخینلاری معلومات یاییب.

محکمه‌نین آدی چکیله‌ن بؤلمه‌سیندن گؤندریلن چاغیریش مکتوبوندا او، آذربایجان رقصی تعلیم ائتمکله «اجتماعی اخلاقا و جمعیتین تربیه قایدالارینا ضد» حرکت ائتمک‌ده گناهلاندیریلیب.

چاغیریش مکتوبوندا اونون ۵ گون عرضینده محکمه‌یه گئتمه‌سی ایستنیلیب و عکس تقدیرده محکمه‌یه آپاریلماسی اوچون باشقا تدبیرلر گؤرولجیی بیلدیریلیب.

قید ائدک کی، پیمان ابراهیمی ۲۶ آوگوست ۲۰۲۳-جو ایلده تبریزده حبس ائدیلیب.

حبس زمانی آغیر شکیلده دؤیولن مدنی فعال اوکتیابرین ۲۵-ده گیروو قارشیلیغیندا موقتی اولاراق محکمه‌یه قدر سربست بوراخیلیب.