«سنزورا ایندکسی» بین‌الخالق تشکیلاتی تهران‌دا یاشایان گونئی آذربایجان‌لی ژورنالیست نسیم سلطان‌بیگی‌نی ۲۰۲۴-جو ایل ایفاده آزادلیغی مکافاتینین ژورنالیستیکا کاتگورییاسی اوزره غالیبی اعلان ائدیب.

Axar.az خبر وئریر کی، بو باره‌ده تشکیلاتین مئدیا حسابیندا معلومات یاییلیب.

"سلطان‌بیگی چوخ چتین شرایط‌ده گؤستردیی جسارتلی و فداکار فعالیتلرینه گؤره بو مکافاتا لاییق گؤرولوب"،- معلوماتدا بیلدیریلیب.

نسیم سلطان‌بیگی، ۲۲ دکابر ۲۰۲۲-جی ایلده اؤلکه‌دن چیخماق ایستدیی واخت تهران هوا لیمانیندا ساخلانیلب و ۶ فورال‌دا گیروو قارشیلیغیندا موقتی اولاراق سربست بوراخیلیب.

تهرانین انقلاب محکمه‌سی اونو«حکومت علیهینه تبلیغات»، «توپلاشماق و البیر اولماق»دا گناهلاندیراراق ۴ ایل، ۱ آی، ۱۶ گون آزادلیقدان محروم ائدیلیب.

سلطان‌بیگی، حبس جزاسینین بیر حیصه‌سینی چکدیکدن سونرا جاری ایلین مارت آیین‌دا حکمونون اجراسی موقتی اولاراق دوندورولوب و او سربست بوراخیلیب.