حلب‌ده تکجه سوریانین دئییل، بوتون بؤلگه‌نین، او جمله‌دن جنوبی قفقاز رگیونونون تالعی حل اولونور.

Axar.az خبر وئریر کی، بئله بیر ادعا ایله ارمنی ایران‌شناس واردان وسکانیان چیخیش ائدیب.

او، «عراق‌دان گلن ایران‌پرست قوه‌لرین» دستیی ایله سوریا اوردوسونون حلب ایالتینین اله کئچیریلن اراضیلرینی «تحریر الشام»دان گئری آلماغا باشلادیغینی بیلدیریب:

«حکومت قوه‌لرینین جدی اوغورلاریندان دانیشماق هله تئزدیر، لاکین آیدین‌دیر کی، یاخین شرق‌ده همیشه اولدوغو کیمی، هر شئی یئنی‌دن دؤیوش میدانین‌دا حل ائدیلیر».

قید ائدک کی، ایرانین سوریاداکی سون حربی توقوشمالارا باشینین قاریشاجاغیندان ناراحات اولان ارمنی اکسپرتلر ارمنستانین سرحدده «یگانه تهلوکه‌سیزلیک قارانتی» سایدیقلاری تهرانین ایروان‌دان دقتینین یایینا بیله‌جه‌ییندن جدی اندیشه کئچیریرلر. اونلارین فکرینجه، ایران سوریایا یؤنه‌لرسه، ارمنستان آذربایجانین شرطلرینی قبول ائتمه‌یه، او جمله‌دن ۱۰ نویابر بیاناتینا اویغون اولاراق، زنگزور دهلیزینی آچا بیلر.

آنتی‌تورک موقعی ایله تانینان وسکانیان ایسه سون معلوماتلاردان خبرسیزدیر. بئله کی، دؤیوشلر حلب‌ده دئییل، حمادا گئدیر، «هئیت تحریر الشام» حمانین ۸ کم-ده سوریا اوردوسونا جدی ایتکیلر وئریر.