تورکیه بین‌الخالق آکتورلاری سوریاداکی یئنی حاکمیتی دستکله‌مه‌یه چاغیریب.

Axar.az خبر وئریر کی، بو باره‌ده تورکیه‌نین ملی مدافعه ناظیری یاشار گولر دئییب.

«سوریادا الی‌قانلی رژیم سقوطا اوغراییب و آرتیق یئنی مرحله باشلاییب. سوریادا سؤز صاحبی آرتیق خالقدیر. بو گونه قدر اولدوغو کیمی، بوندان سونرا دا سوریا خالقینین یانیندا اولماغا داوام ائدجییک. سوریانین اراضی بوتؤولویو، سیاسی بیرلیی، تهلوکه‌سیزلیک و ثابتلیینین تامین اولونماسی اوچون یئنی حاکمیتله کوردیناسییالی شکلده ایشلیجییک»، - گولر بیلدیریب.

ناظیرین سؤزلرینه گؤره، تورکیه سوریادا ثابتلیین برپاسی و قاچقینلارین اؤلکه‌لرینه قاییدیشی اوچون عهده‌سینه دوشه‌نی ائد‌جک:

«بؤلگه‌ده تأثیره مالک آکتورلار دا آرتیق تورکیه‌نین پروسسلرده‌کی آچار رولونو قبول ائدیرلر. سوریادا پ.ک.ک، ی.پ.گ، ایشید کیمی ترور تشکیلاتلارینین یئری یوخ‌دور. اؤلکه‌میزین و سوریانین تهلوکه‌سیزلیینی تهدید ائد‌ن بو تشکیلاتلارین آددیملاری دقتله ایزلنیلیر، اونلارا قارشی قاباقلاییجی تدبیرلر گؤرولور. ترور تشکیلاتلارینین اراضیده‌کی ثابتسیزلیکدن سوء-استفاده ائتمه‌سینه اجازه وئریلمه‌یه‌جک. عملیاتلاریمیز پلانلادیغیمیز کیمی و آرتان تمپله داوام ائد‌جک. ترورچولارین اولدوغو هر یئر تورکیه سلاح‌لی قوه‌لرینین قانونی هدفیدیر».