آمریکا پرزیدنتی دونالد ترامپ روسیانین اوکراینایا قارشی محاربه‌سینی سونا چاتدیرماغین چتینلیینی درک ائدیب و آرتیق بونا گؤره، «۲۴ ساعت عرضینده حل»دن دانیشمیر.

Axar.az خبر وئریر کی، بو سؤزلری اوکراینانین کئچمیش خارجی ایشلر ناظیری دمیتری کولبا «فرانس۲۴» تلکانالینا مصاحبه‌سینده دئییب.

"دوشونورم کی، بیز اونون پرزیدنت پوتین حاقین‌دا منفی سؤزلرینه و یا شرحلرینه چوخ دا قاپیلمامالییق، چونکی ائرته‌سی گون اونون پرزیدنت زلنسکییه و یا بوتؤولوکده اوکراینایا قارشی اوخشار بیر شی دئمیجیینه ضمانت یوخ‌دور"، - او بیلدیریب.

کولبا قید ائدیب کی، ترامپ سازشین باغلانماسینی و محاربه‌نین بیتمه‌سینی ایستییر:

«حساب ائدیرم کی، او، بونون ایلک دوشوندویوندن قات-قات چتین اولدوغونو باشا دوشدو و نتیجه‌یه نایل اولماق اوچون داها اوزون و داها چوخ زحمت طلب اولوناجاق. اونا گؤره ده آرتیق «۲۴ ساعت» حاقیندا ائشیتمیریک».

قید ائدک کی، ترامپ پرزیدنتلیکدن اؤنجه اوکراینا مناقشه‌نین ۲۴ ساعت عرضینده حل ائدجیینی دفعه‌لرله بیلدیرمیشدی.