دونالد ترامپ اوزون ایللردیر آمریکا-نین استراتژی متفیقی حساب اولونان بؤیوک بریتانیایا دا اعتبار ائتمیر.

Axar.az خبر وئریر کی، بو سؤزلری پولیتولوق ائلخان شاهین‌اوغلو قید ائدیب.

او بیلدیریب کی، ترامپین ساغ الی اولان ایلان ماسک بؤیوک بریتانیانین باش ناظیری کیر استارئرین عنوانینا تحقیرامیز فکرلر سؤیله‌ییب:

«آمریکالی میلیاردر ماسک استارمری آمریکا-دا پرزیدنت سئچکیلرینه مداخله ائتمکدن و لوندونون بو مقصدله واشینگتونا آگنتلر گؤندرمکدن توتموش اونو آسیالی میگرانتلارین کوتلوی زورلانماسیندا اشتراکا قدر، مختلف جنایتلرده اتهام ائدیب. «استارمر محاکمه اولونمالیدیر» دئیه‌ن ماسک بؤیوک بریتانیانین باش ناظیرینین استعفا وئرمه‌سینین واجبلیینی بیلدیریب. ایلان ماسک بؤیوک بریتانیانین رادیکال ساغ‌چی «رفورم اوک» پارتییاسینین لیدری نایجل فاراجی دستکلدیینی و اونون پارتیاسینی مالیه‌لشدیرجیینی گیزلتمه‌ییب. دوغرودور، نایجل فاراج واختیله اؤلکه‌سینین آوروپا بیرلییندن چیخماسینا نایل اولسا دا، اونون بؤیوک بریتانیادا ائله بؤیوک نفوذو یوخ‌دور. بونا باخمایاراق، ایلان ماسک باشقا اؤلکه‌نین داخلی ایشلرینه قاریشماق‌دا، لیدرینی آشاغیلاماقدا و باشقا اؤلکه‌نین پارتییاسینی مالیه‌لشدیرمکله قانون پوزونسوتونا یول وئرمکده قباحت گؤرمور. نئجه کی، ماسک آلمانیانین داخلی ایشلرینه قاریشاراق، بو اؤلکه‌نین افرات ساغ‌چی آلمانیا اوچون آلترناتیو پارتیاسینی دستکلمیی لازم بیلیب.

کیر استارمر واشینگتون‌دان اونون عنوانینا سسلنه‌ن اتهاملارا سرت جواب وئرمک ایسته‌میر، یقین دوشونور کی، بئله ائدرسه، آمریکا-بؤیوک بریتانیا اتفاقینین سونونو یاخینلاشدیرا بیلر. آنجاق مسئله بوراسیندادیر کی، بو اتفاق ترامپ و اونون یاخین اطرافینی آرتیق دوشوندورمور. ترامپ اوکراینا پرزیدنتینه اولتیماتیو طلبلر ایر‌لی سوررکه‌ن، استارمر کیئوله استراتژی طرفداشلیق حاقیندا سازش امضالاییب، روسیا ایله مبارزه‌نی داوام ائتدیرمک اوچون ولادیمیر زلنسکییه سیاسی، حربی و مالیه دستیینی آرتیریب. آیدیندیر کی، استارمرین بو سیاستی ترامپین خوشونا گلمیر. آغ ائو صاحبی بوندان چیخیش ائد‌رک داها بیر عنعنه‌نی پوزاراق ایلک خارجی سفرینی بؤیوک بریتانیایا دئییل، سعودیه عربیستانینا رئاللاشدیرماق ایستییر. چونکی سعودیه عربیستانی آمریکا-دان ۴۵۰ میلیارد دلارلیق مال آلماغا راضیلاشیب».