بیر نئچه گون اؤنجه ارمنستان حکومتینین دعوتی ایله باش ناظر نیکول پاشینیان‌دان مصاحبه آلماق اوچون ایروانا گلن و بورادا ۳ گون قالان تورکیه‌لی ژورنالیستلردن بیری - سی.ان.ان تورک کانالینین مخبیری ادریس آریکان ایرواندان رپورتاژ حاضرلاییب.

Axar.az خبر وئریر کی، رپورتاژ ارمنی سوسیال شبکه استفاده‌چیلرینین جدی رئاکسیایا سبب اولوب.

ایروانین مختلف یئرلرینده اولان ادریس آریکان شهرین قدیم تورک تورپاغی اولدوغونو بیلدیریب.

«ایروانین تورکجه آدی رواندیر»، - ژورنالیست قید ائدیب.

آریکانین ایروان‌داکی قدیم گؤی مسجدین قارشی‌سین‌دا ائتدیی چیخیش دا ارمنیلری ناراضی سالیب.

«بو، ایروان‌دا قالان یگانه مسجددیر. مسجد ۱۷۰۰-جو ایللرده (۱۷۶۶-جی ایل – رئد.) ایروان خانی حسینعلی خانین دؤورونده انشا ائدیلیب. اولجه مسجده حسینعلی آدی وئریلیب، سونرادان ایسه دییشدیریله‌رک گؤی مسجد اولوب. اصلینده ایروان‌دا ۸ مسجد وار. او دورده بورادا آذربایجان تورکلری ده یاشاییب. ۹۰-جی ایللرده قاراباغ محاربه‌سی زمانی بوراداکی تورک اهالی زورلا چیخاریلدی و بوتون مسجدلر ده بیر-بیر باغلاندی.

ساده‌جه بو مسجد قالیب. بو مسجدین ده استفاده ائدیلدیینی سؤیله‌مک ممکن دئییل. یالنیز ساعت ۱۰-۱۳، ۱۳-۱۵ آراسی آچیلیر»، - رپورتاژ مؤلفی قید ائدیب.

آمریکالی ژورنالیست لیندسی سنل ده آریکانین رپورتاژینین گؤی مسجدله باغلی اولان حیصه‌سینی اؤزونون ایکس صحیفه‌سینده پایلاشیب:

«پاشینیان‌دان مصاحبه آلماق اوچون ایروانا گئدن تورکیه‌لی ژورنالیستلردن بیری گؤی مسجدی زیارت ائدیب و اونون دا ایروان کیمی، تاریخی تورک عابده‌سی اولدوغونو دئییب».