ایران‌دا مجبوری حجاب قایدالارینین تطبیق ائدیلمه‌سینین طرفدارلاری تهران‌دا ایران پارلامنتی قارشی‌سیندا آکسییا کئچیریبلر.

Axar.az خبر وئریر کی، بو باره‌ده یئرلی مئدیا معلومات یاییب.

محافظه‌کار سیاسی دایره‌نین و مسعود پزشکیان حکومتینین علیهدارلاری‌نین تشکیل ائتدیی آکسییادا مجبوری حجاب قانونونون اعلان ائدیلمه‌مه‌سینه گؤره پارلامنت صدری محمدباقر قالیفاب تنقید ائدیلیب.

«قالیباف حجاب حکمونو اجرا ائت!»، «بیزه ناغیل دانیشما!» کیمی شعارلار سسلندیرن اعتراضچیلار، «حجاب و عفت قانونو»نون حیاتا کئچیریلمه‌سینی طلب ائدیبلر.

قید ائدک کی، مسعود پزشکیانین دا علیهینه اولدوغو «حجاب و عفت قانونو»نون تطبیقی، اؤلکه‌ده یئنی اعتراض آکسییالارینین باشلانماسینا سبب اولاجاغی احتیمالینا گؤره تاخیره سالینیب.

ایران عالی مدنی انقلاب شوراسی قانونون تطبیقینی تصدیقله‌سه ده، عالی میللی تهلکه‌سیزلیک شوراسی بونون ایندیکی گرگین مرحله‌ده تهلکه‌لی اولدوغو قناعتینده‌دیر.